Hacıqabulda sərnişin avtobusu minik avtomobilinə çırpıldı: xəsarət alan var
Hacıqabulda 1 nəfərin xəsarət alması ilə nəticələnən yol qəzası olub.
Median.Az-ın oxu.az-a istinadən məlumatına görə, hadisə bu gün axşam saatlarında Bakı-Qazax magistralının rayonun Pirsaat kəndi ərazisindən keçən hissəsində qeydə alınıb.
Sərnişin avtobusunun qarşıda gedən “Toyota” markalı avtomobilə çırpılması nəticəsində, minik maşınında olan Bakı şəhər sakini, 1969-cu il təvəllüdlü Mirzəyeva Almaz Qədir qızı müxtəlif dərəcəli xəsarətlər alıb. Yaralı Şirvan Şəhər Mərkəzi Xəstəxanasına yerləşdirilib.
Faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə