Dələduzluq ittihamı ilə beynəlxalq axtarışda olan Azərbaycan vətəndaşı Ukraynanın Donetsk bölgəsində saxlanılıb.

Tribun.com.ua portalının məlumatına görə, 15 il müddətində Ukraynada qanuni yaşayan azərbaycanlı 2017-ci ildə vətəninə dönüb.

O, həmyerlisindən işə düzəltmək adı ilə 10 min dollar rüşvət alıb. Ancaq vədini yerinə yetirməyib.

Faktla bağlı Azərbaycan hüquq-mühafizə orqanlarında araşdırma başlayan zaman isə o, yoxa çıxıb.

Bu müddət ərzində 49 yaşlı azərbaycanlı Ukraynaya gedib və müxtəlif ünvanlarda yaşayıb.

Məlumatlara görə, o, bu ilin əvvəlində Ukrayna polisi tərəfindən yaxalanıb və hazırda ekstradisiya edilməsi üçün işlər aparılır.скачать dle 11.3