"TikTok"da tanış oldu, alçaldıb əzab verərək videoya çəkdi - Bir dəfə bağışlanan cinayətkara HÖKM » Median.Az - Bütün xəbərlər bir ünvanda
23:03 Kirayə evdə gizli kameranın olmasını harada yoxlamaq olar? - Şəxsi detektivdən məsləhət  |     22:56 100 ildən sonra sükan arxasında: dünyanın ən yaşlı sürücüsü kim oldu?  |     22:44 Sağlamlığınız üçün bu vərdişlərdən imtina edin  |     22:38 Antalyada yaxtada həbs edilən azərbaycanlı kimdir?  |     22:31 "Xalq artisti deyiləm deyə, ev almayım?"  |     22:27 Hərbi liseylərə qəbul olmaq istəyənlərin NƏZƏRİNƏ  |     22:19 Günəş eynəyi taxanlara XƏBƏRDARLIQ - KÖKƏLDİR  |     22:13 “Aztelekom”da 900 minlik yeyinti – “Mis Nazim” kimdir?  |     22:08 "Cavanşir" körpüsü bu tarixdə açılacaq - RƏSMİ  |     22:01 İçməli suyun baha olduğu ölkələr  |     21:56 Qadınlarda tez-tez aşkarlanan XƏSTƏLİK  |     21:49 Keçmiş direktor nazirlikdən nə tələb edir?  |     21:44 FHN-nin Tibb Xidməti İdarəsi ilə işçisi arasında nə baş verib?  |     21:40 1 milyon manatdan artıq pulu qanunsuz yollarla leqallaşdıranların məhkəməsi başlayır  |     21:35 Əhalinin banklarda nə qədər əmanəti var?  |     21:26 Qubada dərəyə yıxılaraq köməksiz vəziyyətdə qalan şəxs xilas edilib  |     21:20 Azyaşlıların dini mərasimlərə aparılması düzgün deyil - RƏY  |     21:12 Əcnəbi kibercinayətkar müalicə müəssisəsinə köçürülüb, azadlığa çıxmaq istəyir  |     21:05 Sumqayıtda bir nəfər dənizdə batıb  |     20:58 Bu il Aşurada qanvermə məntəqələrinin sayı iki dəfədən çox artırılıb  |    

"TikTok"da tanış oldu, alçaldıb əzab verərək videoya çəkdi - Bir dəfə bağışlanan cinayətkara HÖKM

Bakıda sevgilisinə ağır işgəncələr verən, ona qarşı alçaldıcı hərəkətlər edərək videoya çəkən gənc oğlan həbs edilib.

"Qafqazinfo"nun əldə etdiyi məlumata görə, Neftçala rayon sakini olan 2003-cü il təvəllüdlü Əli Məmmədov Cinayət Məcəlləsinin 133.2.2, 133.2.4, 133.2.6 və 150.2.4-cü maddələri ilə məsuliyyətə cəlb edilib.

Məlum olub ki, Əli Məmmədov "TikTok" sosial şəbəkəsində Sumqayıt şəhər sakini olan Aysu (şərti adlı) ilə tanış olub və aralarında sevgi münasibəti yaranıb. Bir müddət sonra Aysunun hamilə qalması məlum olub. Lakin daha sonra onların münasibəti pozulub. Ə.Məmmədov qısqanclıq zəminində sevgilisini cəzalandırmaq qərarına gəlib. O, xanımı dostunun evinə apararaq orada amansızlıqla döyüb, başından, ağzından, sifətindən və digər nahiyələrindən ağır xəsarətlər yetirib. Qıza qarşı seksual xarakterli zorakılıq hərəkətləri edən və bunu videoya çəkən Əli daha sonra onu başqa evə apararaq dörd gün müddətində orada saxlayıb. Burada da Aysunu dəfələrlə döyərək xəsarətlər yetirib. Həmçinin, hamama salaraq alçaldıcı hərəkətlərlə qadını təhqir edib və etdiyini lentə alıb.

Beş gün müddətində qızından xəbər ala bilməyən Aysunun anası polisə müraciət etdikdən sonra onların yeri müəyyən edilib və Əli Məmmədov saxlanılıb. Onun telefonundan qıza qarşı etdiyi hərəkətləri əks etdirən dörd video aşkar edilərək istintaq materiallarına daxil edilib.

Ə.Məmmədovun zorakılığı nəticəsində Aysu bətnindəki övladını da itirib.

Bir müddət əvvəl cinayət işinin materialları Bakı Ağır Cinayətlər Məhkəməsinə daxil olub. Məhkəmənin ötən həftə çıxardığı hökmlə Ə.Məmmədov Cinayət Məcəlləsinin 133.2.2, 133.2.4, 133.2.6 və 150.2.4-cü maddələri (əzab vermə - hamilə və köməksiz vəziyyətdə olan şəxsə qarşı işgəncə verməklə törədildikdə, xüsusi amansızlıqla seksual xarakterli zorakılıq hərəkətləri) ilə təqsirli bilinib. Ə.Məmmədova yeddi il həbs cəzası verilib.

Qeyd edək ki, Ə.Məmmədov 2022-ci ildə də ağır cinayət törədibmiş. Həmin vaxt Cinayət Məcəlləsinin 126.1-ci, yəni qəsdən sağlamlığa ağır zərər vurma maddəsi ilə təqsirli bilinən gənc ilk dəfə cinayət törətməsi, yaşı və digər hallar nəzərə alınmaqla sınaq müddəti verilməklə şərti cəza alıbmış.скачать dle 11.3




Şahidi olduğunuz hadisələri çəkib bizə göndərin!




            387 22.06.24 16:22