Ana və iki övladını öldürərək ömürlük cəza alan müəllim yenidən hakim qarşısında » Median.Az - Bütün xəbərlər bir ünvanda
23:04 Smartfonunuzu neçə ildən sonra dəyişdirməlisiniz?  |     22:51 Ayaqqabılarınıza naringi qabıqları qoyun – SƏBƏB  |     22:46 Kartofu bişirən zaman suyuna nə qədər duz tökmək lazımdır?  |     22:40 Avropanın ən gözəl kəndi AÇIQLANDI  |     22:33 Misir Qəzza ilə bağlı vasitəsiz danışıqları bərpa edəcək  |     22:24 Azərbaycanın voleybol millisi dördüncü oyunda da məğlub olub  |     22:18 Qarabağ bölgəsində tərk edilmiş döyüş mövqeyində HHM sistemi aşkarlanıb - VİDEO  |     22:09 Doberman itinin təlimində ustalaşmaq üçün ən vacib qaydalar  |     22:09 Azərbaycanda avrokuboklara vəsiqə qazanan bütün komandalar bəlli olub, "Neftçi" kənarda qalıb  |     22:01 Azərbaycan XİN İordaniyanı təbrik edib  |     21:55 Gürcüstan parlamenti Prezidentin vetosunu ləğv edəcək  |     21:48 G7 ölkələri Rusiyaya qarşı sanksiyaları gücləndirmək istəyir  |     21:39 Azərbaycan manatının dövretmə sürəti cüzi azalıb  |     21:34 Trabzonda bələdiyyə sədri döyülüb  |     21:25 Ərdoğan dəhşətli zəlzələlərin vurduğu ziyanı açıqladı  |     21:15 Vasif Talıbovun ailəsinə ağır itki - Foto  |     21:06 Yağıntı ilə bağlı magistral yollardakı vəziyyət açıqlandı  |     21:01 Parisdə küçəyə Navalnının adı veriləcək  |     20:53 Elektrik enerjisi ilə bağlı bazar operatoru yaradılacaq  |     20:49 Səhər yeməyində nələr olmalıdır?  |    

Ana və iki övladını öldürərək ömürlük cəza alan müəllim yenidən hakim qarşısında

Ali Məhkəmədə ana və iki azyaşlı övladını qətlə yetirməkdə ittiham olunan Əhəd Əliyevin barəsindəki hökmdən verilən kassasiya şikayəti üzrə məhkəmə iclası başlayıb.

Pravda.az-ın əldə etdiyi məlumata görə, hakim Rəşad Abdulovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmənin iclası aprelin 9-na təyin edilib.

Bakı Ağır Cinayətlər Məhkəməsinin hökmünə əsasən, Əhəd Əliyev verilmiş ittihamlarla təqsirli bilinərək ömürlük azadlıqdan məhrum edilib.

Xatırladaq ki, hadisə 2022-ci ilin fevral ayında paytaxtın Nizami rayonunda qeydə alınıb. Fevralın 20-də 1983-cü il təvəllüdlü Gülnar Qaraxanova və iki azyaşlı övladının kirayə yaşadıqları evdə kəsici-deşici alətlə aldıqları xəsarətlərdən ölmələri faktı ilə bağlı rayon prokurorluğuna məlumat daxil olub.

Həyata keçirilmiş təxirəsalınmaz istintaq və əməliyyat-axtarış tədbirləri nəticəsində cinayətin zərərçəkmişin qohumu - 1981-ci il təvəllüdlü Əhəd Əliyev tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

Əhəd Əliyevə qarşı Cinayət Məcəlləsinin 120.2.4 (xüsusi amansızlıqla adam öldürmə), 120.2.7 (iki və ya daha çox şəxsi öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 120.2.11 (quldurluq, hədə-qorxu ilə tələb etmə, terrorçuluq və ya banditizmlə əlaqədar adam öldürmə), 181.2.4(Quldurluq, xeyli miqdarda əmlak əldə etmək məqsədi ilə törədildikdə), 181.2.5 (Quldurluq, silah və ya silah qismində istifadə edilən əşyalar tətbiq edilməklə törədildikdə), 181.3.3 (Quldurluq, zərərçəkmiş şəxsin sağlamlığına ağır zərər vurulmaqla törədildikdə) maddələri ilə ittiham irəli sürülüb. Məhkəmə istintaqı zamanı məlum olub ki, təqsirləndirilən şəxs əvvəllər müəllim işləyib, 2007-2014-cü illərdə isə Saatlı rayonu, Novruzlu kənd məktəbinin direktoru olub. Hadisə baş verən vaxt ev sahibi Fəsahət Qaraxanov Rusiyada olub.скачать dle 11.3




Şahidi olduğunuz hadisələri çəkib bizə göndərin!




            330 08.04.24 12:35