Ağdaşda əməliyyat: Saxlanılanlar var - VİDEO » Median.Az - Bütün xəbərlər bir ünvanda
22:57 Qızılhacılı kəndinin 73 yaşlı sakini: Şükürlər olsun ki, kəndlərimiz qan tökülmədən qaytarılır  |     22:37 Ankara Ərdoğanı tənqid etmiş İsrailin XİN başçısına cavab verib: Utanmalı olan sizsiniz  |     22:29 Şarl Mişel: Azərbaycanla Ermənistan arasında əldə olunmuş razılaşmanı alqışlayırıq  |     22:17 Rusiyada həyacan: Su basmış bölgələr malyariya virusu riski altındadır  |     22:16 "İndi çiyələk yeməyin, zəhərlidir" - Ekspertdən xəbərdarlıq  |     22:11 Almaniyada qar yağdı, dağ-xizək kurortları aprel ayında işini bərpa etdi  |     22:03 “Santos”un baş məşqçisi təcavüz ittihamlarına görə istefa verdi  |     22:03 Barbados Fələstinin müstəqilliyini tanımağa hazırdır  |     21:57 İçərişəhərdə restorandan oğurluq edən şəxs həbs edildi  |     21:31 Türkiyədə qəza yerində qəza olub, 10 nəfər yaralanıb  |     21:20 Tiflisdə etirazlar davam edir: Rustavelli bağlandı...  |     21:14 Bu ölkə Fələstini dövlət kimi tanıdı  |     21:07 FHN Ağdamda orta məktəbdə mülki müdafiə məşqi keçirdi  |     20:58 KİV: Son sutka ərzində 1,2 mindən çox qaçqın Myanmadan Taylanda keçib  |     20:49 Azərbaycan çempionatı: "Neftçi" bürünc medal qazanıb  |     20:43 PKK terror təşkilatının Almaniya üzrə məsul şəxsi İstanbulda saxlanılıb  |     20:37 Sabah Azərbaycanda 30 dərəcə isti olacaq  |     20:26 Rusiyanın səkkiz bölgəsinə 50 PUA ilə hücum olub  |     20:19 İsrail İrana hücumda üç ballistik raketdən istifadə edib  |     20:08 Zabratda avtomobil maneəyə çırpılıb, gənc qız xəsarət alıb  |    

Ağdaşda əməliyyat: Saxlanılanlar var - VİDEO

Ağdaş Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində rayon ərazisində narkotik vasitələrin qanunsuz dövriyyəsi ilə məşğul olmaqda və oğurluq etməkdə şübhəli bilinən ümumilikdə 9 nəfər saxlanılıb.

Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, daxil olmuş əməliyyat məlumatı əsasında keçirilən tədbir zamanı yaşadığı ünvanda külli miqdarda narkotik vasitə saxlamaqda şübhəli bilinən Ağdaş rayon sakini, əvvəllər məhkum olunmuş Səməd Abbasov saxlanılıb. Ona məxsus evə baxış keçirilərkən oradan kisələrdə və 37 ədəd bükümdə ümumi çəkisi 2 kiloqramdan artıq qurudulmuş marixuana aşkar edilərək götürülüb.

Şöbə əməkdaşları tərəfindən keçirilən digər əməliyyatlar nəticəsində isə narkotik vasitələrin və psixotrop maddələrin satışı, eləcə də dövriyyəsi ilə məşğul olmaqda şübhəli bilinən daha 7 nəfər saxlanılıb. Şəxsi axtarış zamanı onlardan heroin, marixuana və metamfetamin aşkarlanıb.

Noyabr ayının əvvəllərində isə rayonun Pirəzə kəndində yerləşən mağazadan tütün məmulatlarının oğurlanması barədə polisə məlumat daxil olub. Keçirilmiş əməliyyat-axtarış tədbiri nəticəsində qeyd olunan cinayət əməlini törətməkdə şübhəli bilinən Kürdəmir rayon sakini, əvvəllər də bir neçə dəfə oğurluğa görə məhkum olunmuş Samir Babayev saxlanılıb.

Araşdırma zamanı həmin şəxsin Ağsu rayonunda da oğurluq etdiyi müəyyən olunub. O, ifadəsində əməlini etiraf edib və oğurladıqlarını paytaxta apararaq orada satdığını bildirib.

Faktlarla bağlı cinayət işləri başlanılıb, əməliyyat-istintaq tədbirləri davam etdirilir.скачать dle 11.3




Şahidi olduğunuz hadisələri çəkib bizə göndərin!




            825 14.11.23 12:15