ABŞ-ın Rays Universitetindən olan Kris Faqundesin rəhbərlik etdiyi araşdırma qrupu bildirib ki, sevdiyi insanı itirən şəxslərin ilk üç ayda ürək dayanmasından ölüm riski çoxdur.

Bununla bağlı “Science Alert” nəşri məlumat yayıb.

Araşdırmalar 51-80 yaşlarında 65 nəfər üzərində aparılıb. Onlar iki hissəyə bölünüb: 32 nəfər həyat yoldaşını itirən şəxslər olub, qalanları isə müqayisə üçün nəzarət qrupuna qoşulub. Həmin şəxslərin cinsi, yaşı, çəkisi və sağlamlıq vəziyyəti əsas götürülüb.

Araşdırmalar zamanı birincilərdə qandakı iltihab prosesinin sürətlənməsi müşahidə olunub. Bundan başqa, onların ürək döyüntülərində 47 faiz dəyişkənlik görünüb. Ölüm riski 41 faiz yüksəlib.скачать dle 11.3