17:07 Azərbaycan və Türkiyənin xarici işlər nazirləri arasında telefon danışığı olub  |     16:55 Prezident Aleksandr Şarovski ilə bağlı sərəncam imzaladı  |     16:32 Türkiyəyə yardım aparan Sərvərə bahalı maşın hədiyyə edildi  |     16:05 Narkoloji xəstə məhkumların videogörüş keçirmələrinə icazə veriləcək  |     15:40 DVX-nin vəzifəli şəxslərinin geyim formalarının yeni tələbləri müəyyən edilib  |     14:33 Naxçıvanda xəstəxanalar Türkiyədə zəlzələdə zərərçəkənlərin müalicəsi üçün hazır vəziyyətdədir  |     14:05 Azərbaycan yazıçılarının əsərlərini tərcümə edən şəxs ailəsi ilə birlikdə zəlzələdə həlak olub  |     13:51 Azərbaycan nefti bahalaşıb  |     13:39 Ölkə ərazisində hava yağıntılı olub, bəzi yerlərdə qar yağıb - FAKTİKİ HAVA  |     13:20 ABŞ-də yaşayan azərbaycanlılar Türkiyədə zəlzələdən zərərçəkənlərə yardım toplayırlar - VİDEO  |     13:06 Bakıda sığınacağa yerləşdirilmiş 17 yaşlı qız itkin düşüb  |     12:48 Bakıda polis maşını qəzaya düşdü  |     12:47 Heydər Əliyev Fondu Türkiyəyə yenə yardım yollayacaq  |     12:45 FHN-in xilasediciləri Türkiyədə 37 nəfəri dağıntılar altından sağ çıxarıblar - VİDEO  |     12:42 Düşənbədə bütün çoxmərtəbəli binaların zəlzələyə davamlılığı yoxlanılacaq  |     12:39 Rusiyalı müğənni ABŞ-nin sanksiyalar siyahısından çıxarıldı  |     12:38 “Charlie Hebdo”nun Türkiyədəki fəlakətlə bağlı karikaturası “faşist yumorunun” təzahürüdür  |     12:35 Kim Çen In 35 günlük fasilədən sonra ictimaiyyət qarşısına çıxdı - VİDEO  |     12:23 Qardaşımızın dərdinə riyakarcasına gülən ermənilər: “Yardımı zəhərləyib göndərməli idik” - VİDEO  |     12:10 Suriyada zəlzələdə ölənlərin sayı artmaqda davam edir: SON VƏZİYYƏT  |    
Yasamalda eyvan ayrıseçkiliyi: “Kefi istəyəni saxlayır, istəməyəni dağıdır” - FOTO
Bakının Yeni Yasamal – 2 ərazisində Heydər Əliyev parkı yenidən qurulur.

Median.Az
Yenicag.az-a istinadən xəbər verir ki, yenidənqurma işlərinə görə, Məhəmməd Xiyabani küçəsi, bina 8-də tikilən eyvanlar sökülməlidir. Yasamal rayon icra hakimiyyəti isə qanunsuz tikilən eyvanları özünəməxsus şəkildə sökür: kefi istəyəni saxlayır, istəməyəni dağıdır.

Sözügedən binada qanunsuz hesab olunan yeddi eyvandan yalnız biri sökülür.

Məhəmməd Xiyabani küçəsi, bina 8, mənzil 63-də yaşayan ev sahibinin verdiyi məlumata görə, artıq onun eyvanının üst hissəsini söküblər. Və bu çanaq məhz onun “başında” çatlayacaq, digərlərinə isə toxunmayacaqlar.

Ev sahibi Fəranə Cəfərovanın sözlərinə görə, artıq onlara 5 min manatdan çox ziyan vurulub:

“Əgər qanunsuz eyvanlar sökülürsə, onda hamısı sökülsün. Bizim mənzil binanın ortasında yerləşir. O birilər qalıb, bizdən başlayıblar? Evdən bayıra çıxırsan, gəlib görürsən ki, eyvanda kimsə gəzir. İcra nümayəndəsi olan Vasif adlı şəxs ancaq bizim eyvanın söküləcəyini deyir. Başa düşmürəm ey… Əgər qanunsuzdursa, hamısı sökülsün, yox, onda bizim artırma ilə nə işləri?”.

Mübariz Cəfərovun dediyinə görə, iş icraçılarının əlində heç bir sənəd yoxdur:

“Bunlara kim icazə verib ki, şəxsi mülkə girsinlər? Əllərində heç bir sənəd yoxdur, gəlirlər ki, sökəcəyik. Mənim icazəm olmadan evimə niyə girirlər? İcra nümayəndəsi Vasif bu gücü hardan alır? Dedik ki, “sənəd gətirin, sökün”, biz evdən çıxandan sonra eyvanı çöldən söküblər. Bunları qapıdan qovuruq, bacadan girirlər”.

Məsələni araşdırmaq üçün ərazidə olan Vasif adlı icra nümayəndəsi ilə görüşdükdə həmin şəxs soyadını deməkdən imtina etdi və bildirdi ki, qanunsuz olan digər eyvanlar da söküləcək.

O ki, qaldı söküntünün niyə məhz binanın ortasından başlanmasına icra rəsmisi “onlara da növbə çatacaq. Əlavə suallarınız varsa, mətbuat xidmətinə müraciət edin” – deyə, söhbətdən yayındı.









скачать dle 11.3





Şahidi olduğunuz hadisələri çəkib bizə göndərin!




            1 794 02.04.18 16:35