Azərbaycanın daha bir boksçusu dünya çempionatına qələbə ilə başlayıb

Azərbaycanın daha iki boksçusu Serbiyanın paytaxtı Belqraddakı dünya çempionatında mübarizəyə başlayıb.

"Report"un məlumatına görə, 51 kq-da çıxış edən Məsud Yusifzadə 1/16 finalda monqolustanlı Enxmandağ Xarxuu ilə qarşılaşıb. Rəqibinə qalib gələn idmançı adını 1/8 finala yazdırıb. Onun bu raunddakı rəqibi puerto-rikolu Yankiel Rivera olacaq.

57 kq çəki dərəcəsindəki Ümid Rüstəmov isə Kuba təmsilçisi Osvel Kaballero Qarsia ilə dueldən məğlub ayrılaraq, mübarizəni erkən dayandırıb.

17:44
Azərbaycanın daha bir boksçusu Serbiyanın paytaxtı Belqraddakı dünya çempionatında mübarizəyə başlayıb.

Federasiyadan "Report"a verilən məlumata görə, mundialın ikinci gününün gündüz seansında Malik Həsənov qüvvəsini sınayıb.

63,5 kq çəki dərəcəsində çıxış edən idmançı 1/32 finalda qvatemalalı Xuan Reyes Donislə üz-üzə gəlib. 5:0 (30:26, 30:26, 30:25, 30:26, 30:26) hesabı ilə qalib gələn Həsənov növbəti mərhələyə yüksəlib.

O, 1/16 finalda ilk görüşdən azad olan Ermənistan təmsilçisi Ovannes Baçkovla qarşılaşacaq. Döyüş oktyabrın 30-da olacaq.

Qeyd edək ki, bu gün axşam seansında Məsud Yusifzadə (51 kq) monqolustanlı Enxmandağ Xarxuu ilə, Rauf Rəhimov (92 kq) isə ingiltərəli Luis Uilliamsla döyüşəcək. İlk yarış günündə Ümid Rüstəmov (57 kq) 1/32 finalda kubalı Osvel Kaballero Qarsiaya uduzaraq mübarizəni dayandırıb.скачать dle 11.3

Şahidi olduğunuz hadisələri çəkib bizə göndərin!