Kənd Təsərrüfatı Nazirliyi onlayn müşavirə keçirib - FOTO » Median.Az - Bütün xəbərlər bir ünvanda
14:53 Qanunsuz ov edən əcnəbi vətəndaşlar cəzalandırılıb  |     14:38 Sabah ilin sonuncu Günəş tutulması olacaq  |     14:36 Sabahın hava proqnozu AÇIQLANDI  |     14:35 Elçin Quliyev helikopter qəzasında yaralanan hərbçilərə baş çəkdi  |     14:32 Deputatlar sürücülük vəsiqəsinin alınmasına görə rüsumların artırılmasına razılıq verdi  |     14:30 Koronavirus xəstələri ictimai yerlərdə aşkar edilərək saxlanılıblar  |     14:29 Sabiq icra başçısının müavini məhkəmədən bəraət istəyir  |     14:12 Azərbaycan nefti ucuzlaşdı  |     14:09 Abşeronda 31 yaşlı qadını avtomobil vurub  |     14:05 Bakıda mağazada yanğın olub  |     14:01 Dünya bazarında neft qiymətləri necə dəyişib?  |     13:52 Bakıda taksi sürücüsündən müştəri xanıma təklif: “Gözəlliyinizə görə deyirəm” - VİDEO  |     13:48 XİN-ə diplomatik xidmətə qəbulla bağlı imtahan keçiriləcək  |     13:40 Bahalı avtomobil nömrələri – Rüsumlar TƏSDİQLƏNDİ  |     13:34 SOCAR-dan itkin düşən əməkdaşı ilə bağlı RƏSMİ AÇIQLAMA - YENİLƏNİB  |     13:19 İcra Hakimiyyətindən vətəndaşlara MÜRACİƏT  |     13:06 Paytaxtda gənc oğlan döyülərək bıçaqlandı  |     12:52 Azərbaycanın hərbi qulluqçusu həlak oldu  |     12:40 DYP əlilliyi olan şəxslərlə bağlı sürücülərə müraciət edib  |     12:30 Bakıda qadın gecə klubunda intihara cəhd etdi  |    

Kənd Təsərrüfatı Nazirliyi onlayn müşavirə keçirib - FOTO
Kənd Təsərrüfatı Nazirliyinin təşkilatçılığı ilə “Azərbaycan Respublikasında çəltik istehsalının inkişafı ilə bağlı 2020-ci ilin yekunları və 2021-ci ildə qarşıda duran vəzifələr” mövzusunda onlayn müşavirə keçirilib.

Bu barədə Kənd Təsərrüfatı Nazirliyi məlumat yayıb.

Bildirilib ki, onlayn müşavirədə Kənd təsərrüfatı naziri İnam Kərimov, Azərbaycan Meliorasiya və Su Təsərrüfatı ASC-nin sədr müavini Zakir Quliyev, Nazirliyin Aparatı və tabeli qurumlarının əməkdaşları, bu sahədə fəaliyyət göstərən şirkətlərin nümayəndələri və sahibkarlar iştirak edib.
Tədbirdə qeyd olunub ki, Azərbaycan Respublikasının Prezidenti cənab İlham Əliyev tərəfindən aqrar sahənin inkişafı prioritet istiqamətlərdən biri kimi elan edilib. Bildirilib ki, aqrar sektorun bütün sahələri kimi çəltikçilik də yeni inkişaf mərhələsinə qədəm qoyub. “Azərbaycan Respublikasında çəltikçiliyin inkişafına dair 2018–2025-ci illər üçün Dövlət Proqramı” üzrə qarşıya qoyulmuş vəzifələr uğurla yerinə yetirilir.

Bildirilib ki, aqrar sahənin inkişafı, o cümlədən çəltik istehsalının artırılması üçün dövlət tərəfindən sistemli dəstək tədbirləri həyata keçirilir. “Kənd təsərrüfatı məhsulları istehsalının subsidiyalaşdırılması Qaydası”nda 2020-ci ildə çəltik əkinləri üçün müəyyən edilmiş 1.4 əmsal üzrə hər hektar üçün 280 manat əkin subsidiyası ödənilir. Görülən tədbirlər nəticəsində 2020-ci ildə çəltik istehsalında yüksək məhsuldarlığa nail olunub.

Müşavirədə çəltik bitkisinin tәsərrüfat әhәmiyyәti, ərzaq təhlükəsizliyində rolu, çəltikçilik sahəsində görülən işlər, ölkəmizdə çəltikçiliyə göstərilən dövlət dəstəyi barədə danışılıb.

Respublikamızda çəltik istehsalı kənd təsərrüfatında vacib sahələrdən biri olduğundan bu sahədə məhsuldarlığın daha da artırılmasının vacibliyi vurğulanıb.

Bu il çəltik istehsalına hazırlıq və qarşıda duran vəzifələr, bu sahənin inkişafı, hədəflər və perspektivlərin müzakirə edildiyi müşavirədə keyfiyyətli çəltik istehsalı üçün aqrotexniki tədbirlərin vaxtında və düzgün yerinə yetirilməsi, mineral gübrələrdən səmərəli istifadə olunması, zərərvericilərə qarşı mübarizə tədbirlərinin vaxtında görülməsi, əkin üçün yararlı torpaq sahələrinin cəlb edilməsi, texnika ilə təminatın yüksəldilməsinin vacibliyi vurğulanıb.

Müşavirədə mineral gübrələr, toxum və texnika ilə təminat, suvarma məsələləri, subsidiyaların verilməsi, informasiya məsləhət xidmətinin aparılması, təlimlərin keçirilməsi, istehlakçılar arasında yerli çəltik sortlarının üstünlüklərinin təbliğ olunması, o cümlədən çəltiyin tədarükü və satışı ilə bağlı fikir mübadiləsi aparılıb, səsləndirilən təkliflər qeydiyyata alınıb.

Müzakirələrin sonunda bu formatda görüşlərin davam etdiriləcəyi bildirilib, qaldırılan məsələlərin operativ həlli üçün müvafiq tapşırıqlar verilib.


скачать dle 11.3





Şahidi olduğunuz hadisələri çəkib bizə göndərin!




            453 02.02.21 21:36