Bakının Nərimanov rayonunda yanğın hadisəsi qeydə alınıb.
APA xəbər verir ki, hadisə Gülarə Qədirbəyova küçəsi 8 ünvanında baş verib.
18 mərtəbəli binanın 4-cü mərtəbəsində eyvanda alov başlayıb. Evdə heç kim olmadığından əraziyə cəlb edilən FHN əməkdaşları xüsusi texnika ilə eyvana daxil olub. Alovun qarşısı alınıb.
Hazırda ərazidə FHN-in 4 texnikası və canlı briqadası yanğının səbəblərini araşdırır.