Median.Az xəbər verir ki, Nizami RPİ 24-cü polis şöbəsinin əməkdaşları keçirdikləri əməliyyat-axtarış tədbirləri nəticəsində Bərdə rayon sakini X.Mehdizadəni saxlayıblar. Məlum olub ki o, oktyabrın 30-da Q.Qarayev prospektində Beyləqan rayon sakini İ.Fərəcovanın “Mercedes” markalı avtomobilini qaçırıb. Qeyd edib ki, əməliyyat-axtarış tədbirləri nəticəsində avtomobil Nərimanov rayonu ərazisində əzilmiş vəziyyətdə tapılıb.

Məlum olub ki, X.Mehdizadə sərxoş vəziyyətdə olub.

Bundan başqa, Binəqədi RPİ 6-cı polis bölməsinə müraciət edən Abşeron rayon sakini A.Alməmmədov oktyabrın 29-da Sulutəpə qəsəbəsinin ərazisindən “Daewoo” markalı avtomobilinin qaçırılmasını bildirib.

Keçirdikləri əməliyyat-axtarış tədbirləri nəticəsində avtomobil həmin gün Qaradağ rayonunun Lökbatan qəsəbəsində tapılıb, nəqliyyat vasitəsini qaçıran əcnəbi vətəndaş R.Şaxməmmədov saxlanılıb.

Faktlarla bağlı cinayət işləri başlanılıb.скачать dle 11.3