Niderland millisinin keçmiş futbolçusu Rud van Nistelroy İngiltərənin "Bernli" klubunun baş məşqçis olmağa yaxındır.
Median.Az BBC-yə istinadən xəbər verir ki, razılığa gələn tərəflər uzunmüddətli müqavilə bağlamağa hazırlaşırlar.
47 yaşlı keçmiş hücumçunun son iş yeri Niderlandın PSV klubu olub. O, daha əvvəl Niderland millisinin məşqçilər korpusunda da yer alıb.
Qeyd edək ki, "Bernli" klubu İngiltərə Premyer Liqasında 2023/2024 mövsümünü 19-cu pillədə başa vurub. Komanda növbəti mövsümdən ölkənin ikinci liqası sayılan Çempionşipdə mübarizə aparacaq.