Gürcüstanın paytaxtı Tbilisidə Jvaniya meydanında avtomobil yolunun örtüyü çöküb.
Median.Az qafqazinfo-ya istinadən xəbər verir ki, bu gün səhər saatlarında Tbilisidə mərkəzi su borularında olan problem nəticəsində avtomobil yolunun örtüyü çöküb. Hadisə zamanı yolda olan 3 avtomobil çökən çuxura düşərək sular altında qalıb.
Baş vermiş hadisə səbəbilə bir neçə küçənin su ehtiyatı kəsilib.
DİN-dən "İnterpressnewsa" verilən məlumata görə hadisəyə görə heç kəs günahlandırılmayıb.
Əraziyə yanğınsöndürmə və təcili tibbi yardım xidmətinin bir neçə ekipajı cəlb olunub və zərər çəkən avtomobillər hadisə yerindən çıxarılıb.