Rusiyanın Çelyabinsk əyalətində adam oğurluğunda şübhəli bilinən iki Azərbaycan vətəndaşı tutulub. Avtosfer.az xəbər verir ki, bu barədə Rusiya Federasiyası İstintaq Komitəsinin regional
İstintaq Komitəsinin mətbuat xidməti məlumat yayıb.
“İyulun 29-da axşam saatlarında 27 yaşlı müttəhimlər Yemanjelinsk şəhərinin Engels küçəsində 23 yaşlı Tacikistan vətəndaşını avtomobillə qaçırıblar. Şübhəlilər onun həyat yoldaşını kişini öldürəcəkləri ilə hədələyərək 500 min rubl tələb ediblər” – məlumatda deyilir.
Bildirilib ki, şübhəlilər qısa müddətdə saxlanılıb. Onlar Rusiya Federasiyası Cinayət Məcəlləsinin 126-cı maddəsinin 2-ci hissəsinin “a” bəndi (“Oğurluq”), Rusiya Federasiyası Cinayət Məcəlləsinin 163-cü maddəsinin 2-ci hissəsinin “a” bəndi (“hədə-qorxu ilə tələb etmə”) ilə şübhəli bilinirlər.
“Hazırda cinayəti törətmiş şəxslərə qarşı ittiham irəli sürülməsi planlaşdırılır və barələrində həbs-qətimkan tədbirinin seçilməsi məsələsi həll edilir”, - İstintaq Komitəsindən bildirilib.
Müttəhimlərin Rusiyada qalmasının qanuniliyi də yoxlanılacaq.