Ali Məhkəmədə sabiq general Mövlam Şıxəliyevin cinayət işi üzrə qərar qəbul olunub » Median.Az - Bütün xəbərlər bir ünvanda
22:20 Hər gün südlü çay içsəniz, bədəndə nə baş verər? - Diyetoloqun cavabı  |     22:16 Alimlər yeməli paltar istehsal edən maşın yaratdılar (VİDEO)  |     22:07 Məşhur həkim hər gün bu tərəvəzdən yeyir: çünki xərçəng riskini azaldır  |     22:01 Məhkəmə prosesi Səfər Mehdiyev üçün arzuolunmaz sonluğa çevrilə bilər  |     21:57 Dünyada ilk dəfə: Türkiyədə 1500 illik məşhur Roma zirehləri bərpa edildi  |     21:48 “Kirayə evlərin qiymətində artım var” – Ekspert  |     21:46 Taksilərin qiyməti bahalaşdı: Sayı azalır, bir istiqamətə 8-9 manat... – Yeni sistem belə olacaq  |     21:42 4 dollara aldığı güldan Maya xəzinəsi çıxdı  |     21:35 Bərdədə qida zəhərlənməsi ilə bağlı yayılan məlumat təsdiqlənməyib  |     21:29 Türkiyə İraq və Suriya ilə sərhəddə xüsusi təhlükəsizlik bölgəsi yaradır  |     21:23 Sumqayıtda üç nəfəri qəsdən öldürməkdə təqsirləndirilən şəxsin cinayət işi məhkəməyə göndərilib  |     21:18 Türkiyə Ordusu İraqda şəhid verib, üç terrorçu öldürülüb  |     21:10 Van Nistelroy İngiltərə klubu ilə anlaşıb  |     21:06 Ombudsman mina təhlükəsi ilə bağlı beynəlxalq təşkilatlara çağırış edib  |     20:59 Yetkinlik yaşına çatmayanların toy və nişan mərasimlərini keçirənlər 13 min manatadək cərimələnə bilər - LAYİHƏ  |     20:51 Pərvanə Vəliyeva: COP29-a hazırlıq çərçivəsində regionda sağlam ekosistemin yaradılmasına çağırırıq  |     20:48 Tovuzda zəncirvari avtomobil qəzası olub, ölən və xəsarət alanlar var  |     20:44 14 yaşdan yuxarı şəxslərə kiçik elektrik nəqliyyat vasitəsini idarə etməyə icazə verən layihə I oxunuşda təsdiqlənib  |     20:39 “Sabah”ın U-10 komandası İspaniyada beynəlxalq turnirə qatılacaq  |     20:30 Bakıda taksi xidməti niyə bahalaşıb?  |    

Ali Məhkəmədə sabiq general Mövlam Şıxəliyevin cinayət işi üzrə qərar qəbul olunub

Ali Məhkəmə ləğv edilmiş Milli Təhlükəsizlik Nazirliyinin İstintaq Baş İdarəsinin sabiq rəisi general Mövlam Şıxəliyev və digərlərinin cinayət işi üzrə qərar qəbul edib.

“Report” xəbər verir ki, Ali Məhkəmədə hakim Nazim Mövsümovun sədrliyi ilə keçirilən iclasda sabiq generalın cinayət işi üzrə müsadirə olunmuş əmlaklarının bir qisminin geri qaytarılması ilə bağlı məhkəmə qərarından verilən kassasiya protesti təmin edilməyib.

Qeyd edək ki, sabiq general M.Şıxəliyev İstintaq Baş İdarəsinin rəisi vəzifəsində çalışdığı 2008-14-cü illərdə qeyd edilən qurumun tərkibindəki şöbənin sabiq rəisi Vüsal Ələkbərov, İbtidai İstintaq İdarəsinin sabiq rəis müavini Yasin Məmmədov, şöbə rəisinin sabiq müavini Sahib Ələkbərov ilə mütəşəkkil dəstə tərkibində iş adamlarından hədə-qorxu yolu ilə külli miqdarda pul tələb etməkdə ittiham olunurlar.

İttihamda bildirilir ki, M.Şıxəliyev mütəşəkkil dəstə halında ümumilikdə 14 milyon 292 min manat məbləğində pul vəsaitini rüşvət qismində, 5 milyon 77 min manat məbləğində özgə əmlakını hədə-qorxu ilə tələb edərək alıb, həmçinin, səlahiyyət həddini aşmasında və sübutların saxtalaşdırmasında da təqsirli bilinib.

Onların barəsində Cinayət Məcəlləsinin 182.3.1, 182.3.2 (külli miqdarda əmlak əldə etmək məqsədi ilə mütəşəkkil dəstə tərəfindən hədə-qorxu ilə tələb etmə), 294.3 (sübutları saxtalaşdırma), 311.3.1 (qabaqcadan əlbir olan bir qrup şəxs və ya mütəşəkkil dəstə tərəfindən rüşvətalma) və digər maddələr ilə cinayət işi açılıb.

Cinayət işi üzrə 32 nəfər zərərçəkmiş şəxs kimi tanınıb.

Xatırladaq ki, Bakı Hərbi Məhkəməsinin hökmü ilə M.Şıxəliyev 12 il müddətinə azadlıqdan məhrum olunub. Bundan başqa, onun və ailə üzvlərinin adına rəsmiləşdirilmiş əmlaklar müsadirə olunub. Məhkəmə həmin əmlakların dövlət nəfinə keçirilməsi barədə hökm çıxarıb.скачать dle 11.3




Şahidi olduğunuz hadisələri çəkib bizə göndərin!




            198 08.05.24 14:54