Kolleclərin boş qalan yerlərinə qəbul: ixtisas seçməyənlər də qoşula bilər » Median.Az - Bütün xəbərlər bir ünvanda
16:01 Zaxarova: "Rusiya Azərbaycanla münasibətlərin bütün potensialının açılmasına köklənib"  |     15:40 Şəkidə 57 yaşlı kişi parkda qəfil öldü  |     14:32 Kürdən Aytacla yanaşı daha iki nəfərin MEYİTİ TAPILDI - VİDEO (YENİLƏNİB)  |     14:19 "Kanal-11"in rəhbəri Teymur Kərimovun cəzası azaldıldı  |     14:01 Putin İstanbulda keçiriləcək Rusiya-Ukrayna danışıqlarında iştirak edəcəkmi? - Peskovdan AÇIQLAMA  |     13:11 Goranboyda qadın güllələndi: Əri təqsirli bilinir  |     13:10 Bakının bir küçəsində avtomobillərin hərəkəti tam məhdudlaşdırılacaq - FOTO  |     12:48 Müğənni Nigar Rəhimovanın "Vətən müharibəsi iştirakçısı" medalı ilə təltif edilməsinin TƏFƏRRÜATI  |     12:46 İrandan Azərbaycana 10 kiloqram narkotikin keçirilməsinin qarşısı alındı  |     12:38 Dövlətə xəyanətdə təqsirləndirilən şəxs hakim qarşısına çıxarıldı  |     12:32 Putin Ukrayna ilə danışıqlara hazırlıq üçün müşavirə keçirdi  |     12:21 Sabirabadda 16 yaşlı qızı ərə vermək istədilər  |     12:17 Kameralar Madonnaya yönəldi: "Netflix" ulduzun həyatını ekranlaşdırır  |     11:49 Qəbələdə sahibkar cərimə ödəmək əvəzinə şantaj və quldurluğu seçdi  |     11:43 Qətər 400 milyon dollarlıq təyyarənin Trampa hədiyyə verildiyini təkzib etdi  |     11:41 Müdafiə Sənayesi Nazirliyində daha bir KADR DƏYİŞİKLİYİ (YENİLƏNİB)  |     11:39 Mikayıl Cabbarov AYİB-in Müdirlər Şurasının açılış sessiyasında iştirak edib  |     11:21 Çindən "avtomobil idxalçısıyam" deyib vətəndaşlara 300 min manat zərər vuran şəxs həbs olundu  |     11:16 Babək prospektində qəza - Sıxlıq yarandı  |     11:10 Axşam leysan olacaq - Xəbərdarlıq  |    

Kolleclərin boş qalan yerlərinə qəbul: ixtisas seçməyənlər də qoşula bilər

Dövlət İmtahan Mərkəzi (DİM) ümumi (9 illik) orta təhsil bazasında orta ixtisas təhsili müəssisələrinin boş qalan yerləri üzrə avqustun 27-dən sentyabrın 2-dək internet vasitəsilə ixtisas seçimi elan edib.

Mərkəzdən verilən məlumata görə, orta ixtisas təhsil müəssisə­lərinin boş qalan yerlərinə tələbə qəbulu müsabiqəsində iştirak etmək üçün ixtisas se­çiminə qəbul imtahanında (hər iki mərhələ üzrə birlikdə) topladıqları ümumi balı 50-dən, Azərbaycan dili və ya rus dili fənni üzrə balı 20-dən və riyaziyyat fənni üzrə balı 10-dan az olmayan abituriyentlər buraxılır.

Xüsusi qabiliyyət tələb edən ixtisasların müsabiqəsində fənlər üzrə bal məhdudiyyəti tətbiq olunmur. Ümumi (9 illik) orta təhsil səviyyəsini Azər­baycanın ümumi təhsil müəs­sisə­lə­rində cari ildə bitirən abituriyentlər müsabiqədə tədris dili (Azərbaycan dili və ya rus dili), riya­ziy­yat və xarici dil fən­lərin­dən buraxılış imtahanında (9-cu siniflər üzrə) əldə etdikləri nəticələr əsasında iştirak edirlər.

Qeyd edək ki, orta ixtisas təhsili müəs­sisə­lərinə qəbul olub (I mərhələdə) qeydiyyatdan keçməyən abituriyentlər, həmçinin müsabiqə şərtlərini ödəyən, lakin iyulun 24-dən avqustun 5-dək aparılan ixtisas seçimində iştirak etməyənlər də boş qalan plan yerlərinin müsabiqəsində iştirak edə bilərlər.

Ümumi orta təhsil bazasında orta ixtisas təhsili müəs­sisələrinin boş qalan yerləri üzrə ixtisas seçimi 2019-cu il avqustun 27-dən sentyabrın 2-dək in­ter­net vasitəsilə aparılır. İxtisas seçmək hü­ququ olan abi­tu­ri­yent orta ixtisas təhsili müəssisələ­rinin dövlət hesa­bı­na və ödənişli əsaslarla olan 12-yə qədər ixtisas kodu­nu seçib www.eservices.dim.gov.az/erizetex/ixtisas2 internet ünvanında yerləşən "Abituri­yentin elektron ixtisas seçimi ərizəsi"ni doldurmalı və təsdiqləməlidirlər.

Boş qalan ixtisasların siyahısı “Abituriyent” jurnalının xüsusi buraxılışında təqdim olunub.

İxtisas kodlarının ardıcıllığını abituriyent özü müəy­yənləşdirir. Müsabiqə zamanı həmin ardıcıllıq hüquqi əsas kimi nəzərə alınır və abituriyent müsabi­qədən keçdiyi ixtisasların birin­cisinə yerləşdirilir.

Elektron ərizəsini təsdiqləməyən abituriyent­lər müsabiqəyə buraxılmayacaqlar.

Xüsusi qabiliyyət tələb edən ixtisasları yalnız müvafiq komissiya tərəfindən keçirilən qabiliyyət imtahanlarından “məqbul” alan abituriyentlər seçə bilərlər. Abituriyentlər xüsusi qabiliyyət tələb edən ixtisaslarla yanaşı, digər ixtisasları da seçə bilərlər.скачать dle 11.3




Şahidi olduğunuz hadisələri çəkib bizə göndərin!




            2 577 27.08.19 12:57