Ötən gün qatarın vurduğu azyaşlının vəziyyəti kafidir.
“Azərbaycan Dəmir Yolları” QSC-nin mətbuat xidmətindən oxu.az-a verilən məlumata görə, avqustun 5-i, saat 18:10-da radələrində 6704 saylı Bakı-Şirvan marşrutu ilə hərəkət edən elektrik qatarı Bakının Qaradağ rayonunun Səngəçal qəsəbəsindəki stansiyasının I yoluna daxil olarkən, 12-13 yaşlarında olan Tərlan Cavanşir oğlu Bayramov ehtiyatsızlıq edərək qonşu yolda dayanan yük vaqonlarının altından keçərkən qəfil qatarın qabağına çıxıb.
Bildirilib ki, Lokomotiv briqadası dərhal qatarın dayanması üçün tormozlama aparsa da, uşaq qatarın ön hissəsinə toxunub və nəticədə müxtəlif dərəcəli bədən xəsarəti alıb.
Hadisə yerinə dərhal təcili tibbi yardım briqadası çağrılıb, ilkin yardım göstəriləndən sonra uşaq 1 saylı Şəhər Kliniki Xəstəxanasına çatdırılıb. Hazırda uşağın vəziyyəti kafidir və həkim nəzarətindədir.
Hadisə ilə bağlı hüquq-mühafizə orqanları və ADY-nin əməkdaşları araşdırma aparır.
* * * * *
Qaradağ rayonunda qatar azyaşlını vurub.
Hhadisə rayonun Səngəçal qəsəbəsində qeydə alınıb.
Səhiyyə Nazirliyindən saytımıza bildiriblər ki, hadisə barədə təcili yardıma 18:30-da çağırış daxil olub.
Xəsarət alan 8 yaşlı oğlan Kliniki Tibbi Mərkəzə aparılıb.
Həkimlərin müayinəsi zamanı uşağa qapalı kəllə-beyin travması diaqnozu qoyulub.
Şahidi olduğunuz hadisələri çəkib bizə göndərin!
Son Əlavə