Bakıda avtobus qəzası: ölən var

Bakıda 49 nömrəli sərnişin avtobusu minik maşını ilə toqquşub.

Hadisə Sabunçu rayonu, R.Rüstəmov küçəsi 86 ünvanında baş verib.

Qəza nəticəsində bir nəfər ölüb, iki nəfər isə yaralanıb.

Səhiyyə Nazirliyindən saytımıza verilən məlumata görə, hadisə yerinə təcili tibbi yardım briqadası göndərilib.

Yaralılar dərhal 3 saylı Şəhər Klinik Xəstəxanasına çatdırılıb. Vəziyyətləri orta-ağırdır.