“200 manat”ın saxta olub olmadığını necə tapmaq olar? - VİDEO

Azərbaycan Mərkəzi Bankın əhali arasında apardığı maarifləndirmə işlərinin əhatəsini daha da genişləndirmək üçün istifadəyə verdiyi "Maliyyə savadlılığı" portalında (www.bizimpullar.az) yeni "200 manat" kağız pul nişanı haqqında animasiya yerləşdirilmişdir. Sözügedən pul nişanının təsviri əsasında onun dizaynı və mühafizə sistemi barədə məlumat verilib.

Müxtəlif hədəf qrupunun maarifləndirilməsi və bu sahədə savadlılığı artırmaq məqsədilə hazırlanmış animasiyada 200 manatlıq əskinasın estetik görünüşü, konseptual mövzusu və hər bir mühafizə elementi izah olunur.

Videonu təqdim edirik: