“Pekin Ekspo 2019” Botanika Sərgisində Azərbaycan pavilyonunun rəsmi açılışı olub - FOTO » Median.Az - Bütün xəbərlər bir ünvanda
23:02 Mərkəzi Bank “Azərpoçt”u cərimələdi - 50 000 ödəyəcək  |     22:55 İsmayıllıdakı lüks otel 9 milyona hərraca çıxarıldı  |     22:48 “Dədə Qorqud” şadlıq evi bağlandı - VİDEO  |     22:43 Bağça müdiri olmaq istəyən keçmiş direktora qarşı dələduzluq: 33 min manat...  |     22:35 Belçika 2025-ci ildə Kiyevə iki ədəd F-16 verəcək  |     22:30 "Loğman"ın külli miqdarda borcu var: Baş həkimə "stop" qoyuldu  |     22:23 "Facebook" və "Messenger"də yeniyetmələr üçün xüsusi hesablar təqdim edildi  |     22:17 Rusiyanın 300 min dollardan baha olan ən elit PUA-sı vuruldu - VİDEO  |     22:10 Əməkdar artist əməliyyat olundu  |     22:05 Marsda həyat izləri aşkarlandı: Alim qədim sivilizasiyanın mümkünlüyünə inanır  |     20:59 Dominikanda gecə klubunun damı uçub, 18 nəfər ölüb  |     20:51 Türkiyə ordusu terrorçulara aid mağara və silah-sursat aşkarlayıb  |     20:45 Ronaldinyo hazırda karyerasını davam etdirən ən güclü braziliyalı futbolçunun adını açıqlayıb  |     20:37 Hava meteohəssas insanlarda narahatlıq yaradacaq  |     20:32 Azərbaycanda daha 32 nəqliyyat vasitəsi özəlləşdirilib  |     20:24 Naxçıvanda aprel ayının pensiyaları ödənilib  |     20:19 Ali Məhkəmə: İşçi işdən çıxarılarkən xəbərdarlıq müddəti gözlənilməlidir  |     20:13 Suqovuşan-Sərsəng su anbarı-Qozlukörpü-Kəlbəcər avtomobil yolunun tikintisi davam edir - VİDEO  |     20:05 Daşgil vulkanları ərazisinə giriş müvəqqəti dayandırılıb  |     19:59 Bakıda orta əməkhaqqı 9 %-dən çox artıb  |    

“Pekin Ekspo 2019” Botanika Sərgisində Azərbaycan pavilyonunun rəsmi açılışı olub - FOTO

Mayın 14-də Çin Xalq Respublikasının paytaxtında “Pekin Ekspo 2019” Botanika Sərgisi çərçivəsində Azərbaycan pavilyonunun rəsmi açılışı olub.

AZƏRTAC xəbər verir ki, açılışda Heydər Əliyev Fondunun vitse-prezidenti Leyla Əliyeva iştirak edib.

“Təbiəti qoruyaq, daha yaxşı yaşayaq” mövzusunda keçirilən botanika sərgisində Azərbaycan milli pavilyonu Heydər Əliyev Mərkəzinin, Ekologiya və Təbii Sərvətlər Nazirliyinin dəstəyi ilə hazırlanıb. “Azərbaycan: təbiət və incəsənətin harmoniyası” adlanan milli pavilyonun ümumi konsepsiyası ölkəmizin öz tarix və ənənələrinə sadiq qalaraq daim inkişafda olduğunu nümayiş etdirir. Pavilyonun spiralvarı forması Azərbaycanın davamlı, sabit inkişafını və dinamikliyini, eksteryerdə qoyulan nar ağacı isə ölkənin məhsuldar gələcəyini xarakterizə edir.

Pavilyonun interyer dizaynı ölkəmizin adət-ənənələrini nümayiş etdirir. Azərbaycan xalçalarının timsalında incəsənət və təbiətin yaxın əlaqəsi diqqətə çatdırılır, ətraf mühitin qorunmasının vacibliyi vurğulanır. Nümayiş olunan xalçalar Azərbaycanın xalçaçılıq məktəbləri üzrə dörd hissəyə bölünüb: Qarabağ, Təbriz, Gəncə-Qazax, Quba-Şirvan. Hər bir bölgəyə xas xalça motivləri xüsusi proyeksiya vasitəsilə döşəmə üzərində əks olunur.

Bundan başqa, Xarıbülbül gülünü rəqəmsal formatda əks etdirən eksponat da nümayiş etdirilir.

Sərgi ziyarətçiləri Azərbaycan pavilyonunda milli musiqi alətlərimizlə tanış ola, videomateriallar vasitəsilə Azərbaycan musiqisini dinləmək və milli rəqslərimizə baxmaq imkanı əldə edə bilərlər. Burada, həmçinin Azərbaycan milli geyimləri də təqdim olunur.

Qeyd edək ki, pavilyonda xalçalarda istifadə olunan rənglər əsasında landşaft dizaynı hazırlanıb və buna uyğun bitki çeşidləri əkilib. Burada, həmçinin Azərbaycan təbiətinə xas olan ağac və çiçəklər təqdim olunur.

Açılış mərasimində Azərbaycan incəsənət ustalarının ifasında konsert proqramı təqdim olunub. Sərgi ziyarətçiləri Azərbaycan musiqisini dinləyib, rəqslərinə tamaşa ediblər.

Heydər Əliyev Fondunun vitse-prezidenti Leyla Əliyeva “Asiya sivilizasiyalar dialoqu” konfransı çərçivəsində iştirakçı ölkələrin mədəni irsinin nümayiş olunduğu sərgidəki Azərbaycan stendi ilə də tanış olub.

скачать dle 11.3




Şahidi olduğunuz hadisələri çəkib bizə göndərin!




            1 510 14.05.19 20:46