Median.Az xəbər verir ki, İsmayıllı RPŞ əməkdaşlarının keçirdikləri əməliyyat-axtarış tədbirləri nəticəsində şəhər sakini E.Paşayev saxlanılıb. Onun atasına məxsus avtomobildə, habelə yaşadığı evdə gizlətdiyi 2 kq-dan artıq marixuana aşkar ediib. Bundan əlavə, ondan qanunsuz saxladığı 1 ədəd “ Vinçestr” markalı ov tüfəngi, həmin silaha məxsus 130 ədəd karteç, pnevmatik tipli tapança, bir ədəd sandıq və 371 ədəd qırma götürülüb.

Bundan başqa, Ağdaş RPŞ əməkdaşlarının keçirdikləri əməliyyat-axtarış tədbirləri nəticəsində şəhər sakini N.Məmmədov saxlanılıb. Şəxsi axtarış zamanı üzərindən kibrit qutularında və kağız bükümlərdə qurudulmuş marixuana götürülüb. Onun yaşadığı evdən əlavə 608 qramdan artıq marixuana və xüsusi aqrotexniki qaydada qulluq edilməklə yetişdirilən 55 ədəd çətənə bitkisi aşkar edilib.

RPŞ İstintaq bölmələrində faktlarla bağlı cinayət işləri başlanılıb.скачать dle 11.3