Median.Az xəbər verir ki, Suraxanı RPİ 32-ci polis bölməsi əməkdaşlarının keçirdikləri əməliyyat-axtarış tədbirləri nəticəsində Qaraçuxur qəsəbəsində yerləşən sexdən, içərisində 400 manat pul, şəxsiyyət vəsiqəsi və 400 manat dəyərində qızıl-zinət əşyaları olan çantanı oğurlayan Bakı şəhər sakini, əvvəllər məhkum olunmuş C.Rufullayev saxlanılıb.
Şəxsi axtarış zamanı ondan narkotik vasitə - heroin götürülüb.
Bundan başqa, Suraxanı RPİ 33-cü polis bölməsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evdən 550 manat pul, noutbuk, mobil telefon və qol saatı oğurlayan Bakı şəhər sakini E.Aslanov saxlanılıb.
Nəsimi RPİ 22-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evdən pul və mobil telefon oğurlayan Bakı şəhər sakini,
əvvəllər məhkum olunmuş Ş.Kəlbiyev saxlanılıb, şəxsi axtarış zamanı ondan heroin aşkar edilib.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə