Ailəsi tərəfindən üzü yandırılan 2 yaşlı Anjelanın son görüntüləri: "İndi onu ağır əməliyyatlar gözləyir" (VİDEO)

Ailə münaqişəsi zamanı yanaraq, ağır xəsarətlər alan Anjela Türkiyənin İstanbul şəhərində yerləşən xəstəxanadan evə buraxılıb.

Azxeber.com-a bu barədə "Healthis" şirkətinin rəhbəri Sənan Quliyev məlumat verib. Onun sözlərinə görə, azyaşlı 16 gün reanimasiyada qaldıqdan sonra 34 günün axırında evə buraxılıb:

"Anjelanın ayağa qalxmasında Nərgiz Kərimovanın böyük əziyyəti var. Bundan başqa Heydər Əliyev Fondu müalicə müddətində yaxından iştirakçı oldu. Hazırda Anjela evə buraxılıb. İlk gətirildiyində üzünün böyük hissəsi yanıq olsa da, indi böyük ölçüdə irəliləyiş əldə edilib. Azyaşlını bundan sonra estetik əməliyyatlar gözləyir".

Xatırladaq ki, Bakıda münaqişəli ailədə doğulan 2 yaşlı körpə elə ailə münaqişəsinin qurbanı olub. Uşağın bilərəkdən yandırıldığı və ya səhlənkarlıq üzündən yandığı ehtimal edilir. Sözügedən hadisə ölkə gündəminin əsas müzakirə mövzularından biri olmuşdu.

скачать dle 11.3

Şahidi olduğunuz hadisələri çəkib bizə göndərin!