Rusiya Federal Təhlükəsizlik Xidməti Stavropol diyarının Şpakovski rayonunda terror aktı planlaşdıran yaraqlıları zərərsizləşdirib. Median.Az xəbər verir ki, bu barədə "RİA Novosti" Milli Anti-terror Komitəsinə istinadən xəbər verir.
Belə ki, martın 14-ü gecə saatlarında FTX-yə Balki yaxınlığında avtomobildə silahlı şəxslərin olmasına dair məlumat daxil olub.
"Hüquq-mühafizə orqanları əməkdaşlarının şübhəli avtomobili saxlamaq cəhd etdiyi vaxt miniş vasitəsində olan şəxslər avtomat silahlardan atəş açıb, qumbara ataraq hadisə yerindən qaçmağa cəhd ediblər", - deyə Milli Anti-terror Komitəsinin yaydığı məlumatda bildirilir.
Atışma zamanı hər iki yaraqlı zərərsizləşdirilib. Operativ qərargahın məlumatına görə, hər iki şəxs Volqoqrad vilayətinin sakinləri olub və terror aktları törətmək üçün Stavropol diyarına gəlib.//sputnik.az
Şahidi olduğunuz hadisələri çəkib bizə göndərin!
Son Əlavə