Azərbaycanın on milyonuncu vətəndaşının bu ilin martın ayının sonu, aprelin əvvəlində doğulacağını gözləyirik. Ümumilikdə, əhalinin təbii artım tempində azalma müşahidə edilir.

Oxu.Az-ın sualını cavablandıran Dövlət Statistika Komitəsinin sədri Tahir Budaqovun sözlərinə görə, əhalinin artım tempinin təhlili ilə bağlı müvafiq qurumlar bir araya gələcəklər:

“Ədliyyə, Səhiyyə nazirlikləri və Dövlət Miqrasiya Xidməti ilə birlikdə bu prosesləri izləyirik. Son bir neçə ildə doğum sayında azalmalar müşahidə edilir. Bunu bizim statistik məlumatlar da təsdiqləyir.

2009-cu ildə keçirilmiş əhalinin son siyahıya alınmasında Azərbaycanda ailənin orta tərkibi 4,7 təşkil edirdi. Bu il keçiriləcək əhalinin siyahıya alınmasında bu rəqəm daha dəqiq göstəriləcək”, - deyə Komitə rəhbəri bildirib.

Qeyd edək ki, bir müddət əvvəl Oxu.Az-ın apardığı araşdırmaya görə, ölkə əhalisi 10 milyonluq həddi 2019-cu ilin iyun-iyul aylarında aşacaq.скачать dle 11.3