“Azərbaycan Avtomobil Yolları” Dövlət Agentliyi əlverişsiz hava şəraiti ilə əlaqədar respublikanın avtomobil yollarında nəqliyyatın hərəkəti ilə bağlı məlumat yayıb.

Məlumatı qurumun İctimaiyyətlə əlaqələr şöbəsinin rəisi Anar Nəcəfli “Facebook” hesabında paylaşıb.

O bildirib ki, respublikanın avtomobil yollarının qardan təmizlənməsi, qum-duz səpilməsi işləri aparılıb və hazırda nəqliyyat vasitələrinin hərəkəti normaldır.

“Quba rayonunun Xınalıq, Qusar rayonunun Şahdağ ərazisində yollarda 5-10 sm qar var, lazımi tədbirlər görülür. Giləzi - Xızı, Bakı - Qobustan - Şamaxı - Muğanlı - Ağsu - Yevlax magistralında qar yağır, səhər saatlarından başlayaraq yol qardan təmizlənib, qum-duz səpilib. Eləcə də, Muğanlı – İsmayıllı – Oğuz – Qəbələ - Şəki istiqamətində də səhər saatlarından başlayaraq yol qardan təmizlənib, qum-duz səpilib. Respublikanın digər avtomobil yollarında isə yağıntı yoxdur, nəqliyyat vasitələrinin hərəkəti normaldır”, - A.Nəcəfli qeyd edib.скачать dle 11.3