Bakıda yol-nəqliyyat hadisəsi baş verib.
Median.Az-ın unikal.org-a istinadən məlumatına görə, paytaxtın Heydər Əliyev prospektində üzü "Koroğlu" metrosu istiqamətində 90 OZ 919 dövlət nömrə nişanlı "Hyundai İX 35" markalı nəqliyyat vasitəsi qarşısındakı sərnişin avtobusunu ötmək istəyərkən qəza törədib. Belə ki, sükan arxasında olan sürücü idarəetməni itirərək səkiyə çıxıb və orada olan işıq dirəyinə çırpılıb. Hadisə nəticəsində avtomobilin qabaq hissəsinə ziyan dəyib.
Əldə etdiyimiz məlumata görə, sözügedən avtomobil müğənni Elnar Xəlilovun həyat yoldaşına məxsusdur. Maraqlısı odur ki, qəza yerinə yaxınlaşan 90 LN 612 dövlət nömrə nişanlı "Mitsibuşi" markalı avtomobildən düşən şəxslər avtomobilin üzərində olan dövlət nömrə nişanın çıxarıblar.
Sonra isə avtomobil evakuator vasitəsilə hadisə yerindən aparılıb.
Şahidi olduğunuz hadisələri çəkib bizə göndərin!
Son Əlavə