Bakı metrosunda vaqonlarda əlillər üçün əlavə yerlər quraşdırılır - FOTO » Median.Az - Bütün xəbərlər bir ünvanda
22:54 Məktəb bazarlığı neçəyə başa gəlir? - QİYMƏTLƏR  |     22:48 ABŞ Azərbaycana 20 mlrd. dollara yaxın investisiya yatırıb  |     22:43 "Google" okeana sərmayə yatıracaq  |     22:37 Bakının hansı rayonunda daha çox yeni ev istifadəyə verilib? - SİYAHI  |     22:32 Vergi borcuna görə bu qurumun rəhbərinə "stop" qoyuldu  |     22:25 Bu tələbələrə ayda 350 manat veriləcək  |     22:20 "Ağrı içində yaşamaq istəmirəm" - "Harri Potter"in ulduzundan səs-küylü etiraf  |     22:13 Bakıda uşaq suda boğuldu  |     22:06 İmamoğlunun vəkili də saxlanıldı  |     22:00 Laçında Yusif Mirzənin “31 il sonra” sərgisi açılıb  |     21:52 Almaniya qırıcıları Rusiya təyyarəsinə görə havaya qaldırıldılar  |     21:47 35 hərbçi təzminat üçün bir-birini güllələyib - Rusiya ordusunda qalmaqal  |     21:46 ABŞ-a viza rüsumları kəskin artırıldı  |     21:44 Merts Rusiyanı hədələdi: "Putin Zelenski ilə görüşməsə, daha çox təzyiq olacaq"  |     21:23 Bir gündə üç uşaq ambulansda doğuldu  |     21:17 Azərbaycan İran üzərindən Naxçıvana qaz nəqlinin müddətini uzadacaq  |     21:09 Laçında 2027-2030-cu illər üçün Dövlət Proqramı əsasında bərpa planları hazırlanır  |     21:01 Qazdan istifadə edənlərə MÜHÜM XƏBƏR - Sabahdan etibarən...  |     20:56 Vardanyanın məhkəməsində zərərçəkmiş şəxslərin və onların hüquqi varislərinin ifadələri dinlənilib  |     20:50 Yevlaxda kişi bıçaqlandı: Oğlu şübhəli bilinir  |    

Bakı metrosunda vaqonlarda əlillər üçün əlavə yerlər quraşdırılır - FOTO

“Bakı Metropoliteni”ndə sosial əhəmiyyətli genişmiqyaslı layihənin həyata keçirilməsi istiqamətində ilk mühüm addımların atılmasına başlanılıb.

QSC-dən bildirilib ki, bu layihəyə görə əlillərin və sağlamlığı məhdud insanların metropolitendən təhlükəsiz və rahat istifadə imkanları artırılaraq, bu nəqliyyat vasitəsindən onların imkanlarını məhdudlaşdıran maneələr aradan qaldırılacaq.

Məqsəd isə sosial ədalət prinsiplərinin tam təmin edilərək, digər kateqoriyalardan olan sağlamlığı məhdud, ələlxüsus əlil arabaları ilə hərəkət edən insanların metropolitendən istifadə edə bilməsini təmin etməkdir.

Sirr deyil ki, Bakı metrosunda əlil arabaları ilə hərəkət etmək çox çətindir. Bu səbəbdən “Bakı Metropoliteni” QSC sədrinin tapşırığına əsasən, xüsusi İşçi qrupu yaradılaraq, vəziyyət təhlil olunub, araşdırma və müzakirələrin aparılaraq, beynəlxalq təcrübə və dünya texnologiyalarının tətbiqi imkanları öyrənilib.

Aparılan araşdırmalar zamanı əlil arabası ilə hərəkət edən şəxslərin də metropoliten işçilərinin və xüsusi avadanlıqların köməyi ilə metrodan istifadə etməsinin mümkünlüyü müəyyən edilib.

Bu işlərin yerinə yetirilməsi məqsədilə birinci mərhələdə stansiyalarda konstruktiv dəyişiklikliklər nəzərdə tutulmasa da, metropolitendə istismarı əksəriyyət təşki edilən 81-717/714 tipli vaqonlarda əlil arabalarının yerləşdirilməsi üçün yerlərin hazırlanması istiqamətində tədbirlərə başlanılıb.

Artıq bu yerlərin ilk nümunələri də baş vaqonların salonlarında quraşdırılıb. Qaydaya uyğun olaraq, hər baş vaqonun maşinist kabinəsinə yaxın hissəsində quraşdırılan bu yerlər bütün standartlara uyğun, ən əsası, vaqonların konstruksiyasının təməl prinsiplərinə xələl gətirilmədən quraşdırılır. Mərhələ ilə bu yerlər baş vaqonların hər birində quraşdırılacaq.

Əlillər və fiziki sağlamlığı məhdud insanlar əlil arabasında metropolitendən istifadə etmək üçün əvvəlcədən sifariş verə biləcək.

Artıq ilkin əyani sınaq da keçirilib. Könüllü olaraq, bu sınaqda iştirak edən Cəmilə Məmmədlinin iştirakı ilə bütün proses əyani təşkil edilib. Əlil arabasının qarşılanması, stansiyaya endirilməsi və qatarda mənzil başına çatdırılması prosesinin ilkin sınaqları uğurla aparılıb. Hazırda əldə olunmuş nəticələrin təhlili, təkmilləşdirilməsi, işçilərin təcrübəsinin artırılması üzərində işlər başlanılıb.

Məlumat üçün onu da əlavə edək ki, 2016-cı ildə istifadəyə verilmiş Bənövşəyi xəttin “Avtovağzal” və “Memar Əcəmi” stansiyalarında fiziki imkanları məhdud şəxslər üçün liftlər quraşdırılıb. Yaşıl və Qırmızı xətlər üzrə yerləşən stansiyalarda isə bu cür liftlərin layihələndirilərək inşa edilməsi mümkün deyil.






скачать dle 11.3




Şahidi olduğunuz hadisələri çəkib bizə göndərin!




            2 030 31.01.19 16:18