Abşeron rayonunda iki piyada vurularaq, ölüb

Median.Az xəbər verir ki, noyabrın 19-u saat 21 radələrində Abşeron rayonunun Novxanı kəndində Bakı şəhər sakini Valeh Qasımov idarə etdiyi “Toyota” markalı avtomobillə kənd sakini Seymur İsayevi vurub.

Nəticədə piyada hadisə yerində ölüb.

Bundan başqa, ayın 19-u saat 18 radələrində Abşeron rayonunun Masazır qəsəbəsində Sumqayıt şəhər sakini Kamil Hüseynov idarə etdiyi “Mercedes” markalı avtomobillə rayon sakini Zülfü Mustafanı vurub. Aldığı ağır xəsarətlərdən piyada hadisə yerində keçinib.

Faktlarla bağlı araşdırmalar aparılır.