Keçmiş arvadının bacısını bıçaqlayan şəxsə prokuror 15 il cəza istəyib

Bakı Ağır Cinayətlər Məhkəməsində Ağcabədi rayon sakini Dinar Təhməzovun CM-nin 29, 120.2.2-ci (xuliqanlıq niyyəti ilə qəsdən adam öldürməyə cəhd) maddəsi ilə təqsirləndirilməsinə dair cinayət işi üzrə növbəti məhkəmə prosesi keçirilib.

Median.Az xəbər verir ki, həyat yoldaşı ilə boşanan Dinar Təhməzov paytaxta uşaqlarını görmək üçün gələrkən, keçmiş baldızı Nuranə Fərzəliyeva ilə mübahisə edib. İnsident zamanı Təhməzov Fərzəliyevaya bıçaqla xəsarətlər yetirib. Xəstəxanaya çatdırılan zərərçəkmişin həyatını həkimlər xilas ediblər.

Məhkəmə prosesində çıxış edən dövlət ittihamçısı təqsirləndirilən şəxsə 15 il müddətinə azadlıqdan məhrumetmə cəzası təyin edilməsini istəyib.

Növbəti proses noyabrın 12-ə təyin olunub.