Bakı Ağır Cinayətlər Məhkəməsində Ağcabədi rayon sakini Dinar Təhməzovun CM-nin 29, 120.2.2-ci (xuliqanlıq niyyəti ilə qəsdən adam öldürməyə cəhd) maddəsi ilə təqsirləndirilməsinə dair cinayət işi üzrə hazırlıq iclası keçirilib.
Median.Az xəbər verir ki, həyat yoldaşı ilə boşanan Dinar Təhməzov paytaxta uşaqlarını görmək üçün gələrkən, keçmiş baldızı Nuranə Fərzəliyeva ilə mübahisə edib. İnsident zamanı Təhməzov Fərzəliyevaya bıçaqla xəsarətlər yetirib. Xəstəxanaya çatdırılan zərərçəkmişin həyatını həkimlər xilas ediblər.
Məhkəmə prosesində təqsirləndirilən şəxslərin anket məlumatları dəqiqləşdirilib.
İş üzrə baxış oktyabrın 8-nə təyin edilib.
Şahidi olduğunuz hadisələri çəkib bizə göndərin!
Son Əlavə