Bakıda və regionlarda oğurluq törədən 13 nəfər saxlanılıb

Median.Az xəbər verir ki, Səbail RPİ 8-ci polis bölməsi əməkdaşlarının istintaq-axtarış tədbirləri nəticəsində avqustun 11-də evdən 1000 dollar, 1700 manat və qızıl saat oğurlayan Bakı şəhər sakinləri Taleh Babayev və Ceyhun Cabbarov saxlanılıblar.

Bundan başqa, DİN Kriminalistik Tədqiqatlar İdarəsi və Nərimanov RPİ 17-ci polis şöbəsi əməkdaşlarının əməliyyat-axtarış tədbirləri nəticəsində iyunun 13-də evdən 50 manat və 500 manat dəyərində qızıl əşyalar oğurlayan Mingəçevir şəhər sakini, əvvəllər məhkum olunmuş Tural Məmmədov saxlanılıb, Binəqədi RPİ 4-cü polis şöbəsinin əməkdaşları tərəfindən sentyabrın 5-də Binəqədi qəsəbəsi ərazisindəki evin həyətindən 36 metr metal borunu oğurlayan paytaxt sakini Elvin Alıyev saxlanılıb, Xaçmaz RPŞ-nin əməkdaşları tərəfindən sentyabrın 1-də rayon ərazisindəki evdən 2 ədəd mobil telefon oğurlayan Xudat şəhər sakini Fərid Əliyev saxlanılıb, Sumqayıt ŞPİ 4-cü polis bölməsinin əməkdaşları əməliyyat-axtarış tədbirləri nəticəsində iyunun 14-də avtomobildən 100 dollar, 40 manat və qızıl boyunbağı oğurlayan Abşeron rayon sakini olan bir yeniyetmə saxlanılıb, sentyabrın 6-da Şəmkir rayonunun Zəyəm Dəmir yolu stansiyasının ərazisindən 53 ədəd taxta və 32 ədəd beton şpalı oğurlayan Gədəbəy rayon sakinləri Cənnət Əsgərov və Məhəmməd Məmmədzadə DİN Nəqliyyatda Baş Polis İdarəsinin əməkdaşları tərəfindən saxlanılıblar, Cəlilabad RPŞ əməkdaşlarının əməliyyat-axtarış tədbirləri nəticəsində avqustun 22-dən sentyabrın 4-dək olan müddətdə Göytəpə şəhərində, evdən 20.000 manat dəyərində qızıl əşyalar oğurlayan əvvəllər məhkum olunmuş Şəhriyar Salmanov saxlanılıb, Kürdəmir RPŞ-nin əməkdaşları tərəfindən sentyabrın 1-də rayon ərazisindəki evdən 22 metr elektrik naqili və məişət əşyaları oğurlayan şəhər sakini Seymur Əliyev saxlanılıb, Bərdə RPŞ-nin əməkdaşları əməliyyat-axtarış tədbirləri nəticəsində sentyabrın 3-də rayon sakini Nəsibə Piriyevanın həyətyanı sahəsindən 1 baş inək oğurlayan rayon sakinləri Arzum Qocayevi və Məhəmməd Məmmədovu saxlanılıblar, Beyləqan RPŞ əməkdaşlarının əməliyyat-axtarış tədbirləri nəticəsində avqustun 29-da rayon ərazisindəki evdən 6600 manat oğurlayan rayon sakini Lalə İsmayılova saxlanılıb.

Faktlarla bağlı CM-nin 177-ci (oğruluq) maddəsi ilə cinayət işləri başlanılıb.