Median.Az xəbər verir ki, Qusar RPŞ əməkdaşlarının keçirdikləri əməliyyat tədbirləri nəticəsində avqustun 28-də rayon ərazisindəki evldən qızıl əşyalar oğurlayan rayon sakini Bəhruz Nurullayev saxlanılıb. Araşdırma zamanı onun Qusar şəhər sakinləri, əvvəllər məhkum olunmuş Nadim Ağaxanov və Şıxzada Şıxıyevlə birgə rayon ərazisindəki daha bir evə daxil olaraq ev sahibinə bıçaqla xəsarət yetirib, oradan 1200 manat dəyərində qızıl əşyalar aparmaları müəyyən edilib.
Keçirilmiş əməliyyat-axtarış tədbirləri ilə N.Ağaxanov saxlanılıb, Ş.Şıxıyevin isə ötən ilin mayında Rusiya Federasiyası ərazisində xəstəlikdən ölməsi müəyyən edilib.
Bundan başqa, Qusar RPŞ-nin əməkdaşları əməliyyat tədbirləri nəticəsində, bu ilin mart-avqust ayları ərzində rayon ərazisindəki 4 evdən pul, qızıl və məişət əşyaları oğurlayan şəhər sakinləri Vüqar Salmanov və əvvəllər məhkum olunmuş Rafiq Mehrəliyev saxlanılıblar. Araşdırma zamanı, onların daha 2 evdən ümumilikdə 2800 manat, 2900 dollar, 2000 rubl və qızıl əşyalar oğurlamaları məlum olub.
Faktlarla bağlı RPŞ İstintaq bölməsində CM-nin 177.2.1 (oğurluq, qabaqcadan əlbir olan bir qrup şəxs tərəfindən törədildikdə), 177.2.2 (oğurluq, təkrar törədildikdə), 177.2.3 (oğurluq, yaşayış sahəsinə qanunsuz daxil olmaqla törədildikdə) və 181.2.1-ci (quldurluq, qabaqcadan əlbir olan bir qrup şəxs tərəfindən törədildikdə) maddəlləri ilə cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə