DJ Avicii Stokholmda dəfn olundu

Avicii ləqəbi ilə tanınan isveçli DJ Tima Berqlinq doğma şəhəri olan Stokholmda dəfn edilib.

Median.Az xəbər verir ki, bununla bağlı “Daily Mail” nəşri məlumat yayıb.

Nəşrin məlumatlarına görə, o, YUNESKO-nun dünya irsinə daxil olan və şəhərin cənubunda yerləşən Skoqskirqodqrad qəbiristanlığında dəfn olunub. Mərasimdə yalnız Berqlinqin yaxınları iştirak edib.

Qeyd edək ki, 28 yaşlı Avicii aprelin 20-də Omanda ölü tapılıb. Polislər musiqiçinin ölümündə heç bir cinayət izi aşkar etməyiblər. Bir müddət sonra onun ailəsi Berqlinqin intihar etdiyini açıqlayıb.