Sosial şəbəkələrin birində vətəndaş kolbasa ilə bağlı iradını bildirib.

Median.Az xəbər verir ki, vətəndaş məhsulun piy qatından ibarət olduğunu və çiy ət dadı verdiyini iddia edib.

Mövzu ilə bağlı Median.Az-a açıqlama verən qida təhlükəsizliyi üzrə mütəxəssis-ekspert Ağa Salamov bildirib:

"Firmaların sahibkarları müəssisə açıb işlədir və orada çalışan neçə yüzlərlə insan evinə çörək aparır. Amma bu gün təhsili olmayan, sosial şəbəkələrdə "blogger"lik edənlər məhsulları pisləyirlər. Onlar məhsulu alanda nə yağlılığına, nə də rənginə baxırlar".

Mütəxəssis əlavə edib ki, firma 37 manata kolbasa satırsa, deməli, Bu məhsulun tərkibi vətəndaşın ağız dadına uyğun ola da, olmaya da bilər.

Ağa Salamov qeyd edib ki, onun ən çox istifadə etdiyi və keyfiyyətinə əmin olduğu kolbasa da elə budur.

Ekspert bu tip bloggerləri sərt tənqid edərək deyib:

"Ümumiyyətlə bəzi bloggerlər məhsulu alıb "gedib evdə yoxlayıb, sizə bildirəcəm" deyir. Onlar qida eksperti deyil, qida sahəsində stajı yoxdur. Onlar bu sahədə heç universitet belə bitirməyiblər".

Qida mütəxəsisi vurğulayıb ki, əgər məhsulun içindən qurd, tarakan və s. çıxarsa, xarab məhsul olarsa, onu çəkib paylaşmaq olar. Amma hər hansı bir markanı alıb ağız dadına uyğun olmadığı üçün pisləmək düzgün deyil.

Ağ Salamov sonda təklif irəli sürərək deyib ki, aidiyyəti qurumlar bu yöndə fəaliyyətə başlamalıdır.
Dəniz Pənahova
Median.Azскачать dle 11.3