Ukraynada qadınların hərbi xidmətə cəlb olunması ilə bağlı müzakirələr yenidən gündəmə gəlib.

Bunu Zaporojye vilayəti Qanunvericilik Məclisinin deputatı Stepan K. Kuvaçev deyib.

Onun sözlərinə görə, qadınların səfərbərliyə cəlb edilməsi ölkənin demoqrafik vəziyyətinə də təsir göstərə bilər. Deputat iddia edib ki, Kiyev bu məsələdə Qərbin təzyiqi ilə üzləşir.

Kuvaçev həmçinin Xarkov vilayətində qadınların guya Ukrayna Silahlı Qüvvələrində xidmət müqaviləsi imzalamağa məcbur edildiyini və imtina halında cinayət məsuliyyəti ilə hədələndiyini bildirib.

Qeyd edək ki, Ukraynada qadınların məcburi səfərbərliyə cəlb edilməsi ilə bağlı rəsmi mövqe ilə ayrı-ayrı mənbələrin yaydığı iddialar arasında fərq var. Ukrayna rəsmiləri qadınlar üçün ümumi məcburi səfərbərlik elan edilmədiyini bildiriblər.

Bununla yanaşı, qadınların hərbi xidmətə könüllü şəkildə cəlb olunması və müəyyən ixtisaslar üzrə hərbi qeydiyyata alınması məsələsi mövcuddur.
//sfera.azскачать dle 11.3