Xəbər verdiyimiz kimi, ötən gün Azərbaycan Dövlət Mədəniyyət və İncəsənət Universitetinin (ADMİU) tələbəsinin universitetdən xaric edilməsi barədə qərar qəbul olunub.

Bir tələbənin universitetdən xaric edilməsi, xüsusilə oğlan tələbədirsə, onun təhsil həyatına təsiri ilə yanaşı, hərbi xidmət məsələsini də gündəmə gətirir.

Maraqlıdır, ali təhsil müəssisəsindən xaric edilən tələbənin hərbi xidmətə çağırılması məsələsi qanunvericiliklə necə tənzimlənir?

Səfərbərlik və Hərbi Xidmətə Çağırış üzrə Dövlət Xidmətinin İctimaiyyətlə İş və Beynəlxalq Əlaqələr şöbəsinin rəisi Pərviz Sədrəddinov azxeber.com-un sorğusuna cavab olaraq bildirib ki, ali təhsil müəssisəsindən xaric edilən tələbələrin hərbi xidmətə çağırılması ilə bağlı qanunvericilikdə müəyyən müddəalar nəzərdə tutulub:

"Qanunvericiliyə görə, ali təhsil müəssisələrindən xaric edilmiş şəxslər 6 ay ərzində ali təhsil müəssisələrinə bərpa olunmadıqda çağırışa möhlət hüquqlarını itirir və ümumi əsaslarla çağırışa cəlb olunurlar”.скачать dle 11.3