32 il görmədiyi atasını Bakıda tapdı: Studiyadakı görüş hər kəsi kövrəltdi (VİDEO)
Sosial şəbəkələrdə oğulun uzun illər görmədiyi azərbaycanlı atası ilə görüşməsini əks etdirən təsirli görüntülər yenidən yayılıb.
Musavat.com xəbər verir ki, video yeni deyil. Görüntülər Rusiyanın NTV kanalında yayımlanan “Жди меня” proqramının 21 iyul 2018-ci il buraxılışındandır.
Süjetin qəhrəmanı Vladislav Tadışev 32 il ərzində heç vaxt görmədiyi atası – Bakıda yaşayan azərbaycanlı Qəzənfər Qafarovu axtarıb.
Hadisənin tarixçəsi ötən əsrin 1980-ci illərinin sonlarında Rusiyanın Barnaul şəhərində başlayıb. Azərbaycandan göndərilmiş gənc mütəxəssis Qəzənfər Qafarov şəhərdəki motor zavodunda işləyərkən Ulyana Afanasyeva adlı qadınla tanış olub. Onların arasında münasibət yaranıb və bir müddət sonra Ulyana övlad gözlədiyini bildirib.
Qəzənfər Qafarov həmin dövrdə xəstə əmisi ilə əlaqədar Azərbaycana qayıtmalı olduğunu, sonradan isə Barnaula gedə bilmədiyini deyib. Ulyana oğlunu tək böyüdüb. Buna baxmayaraq, qadın övladını atasına qarşı nifrətlə böyütməyib, ona Qəzənfərin yaxşı və mərhəmətli insan olduğunu danışıb.
Atasını yalnız bir fotoşəkildən tanıyan Vladislav illər sonra “Жди меня” proqramına müraciət edib.
Proqramın əməkdaşları Qəzənfər Qafarovu Bakıda tapıblar. Azərbaycanlı ata çəkiliş qrupu ilə söhbətində oğlunun olduğunu heç vaxt gizlətmədiyini, lakin Ulyana ilə övladının dəqiq harada yaşadığını və oğlunun hansı soyadı daşıdığını bilmədiyini söyləyib.
“Mən 30 ildən artıq müddətdə heç kimdən oğlumun olduğunu gizlətməmişəm. O, həmişə mənim ürəyimdə olub. Onun məndən uzaqda böyüməsinə yol verdiyim üçün utanıram”, – Qəzənfər Qafarov bildirib.
O, Vladislavın onu ata kimi qəbul edəcəyinə ümid etdiyini də deyib.
Bakıdan Moskvaya gətirilən Qəzənfər Qafarov proqramın studiyasında oğlu ilə görüşüb. Ata və oğul bir-birini qucaqlayarkən studiyadakı tamaşaçılar onları ayaq üstə alqışlayıblar.
Vladislav atasını bağışladığını və onu tapdığı üçün xoşbəxt olduğunu bildirib. Veriliş zamanı o, atasının digər ailəsindən olan qardaşı ilə də tanış olub.
Sosial şəbəkələrdə yenidən yayılan bu görüntülər 32 il bir-birini görməyən ata ilə oğulun 2018-ci ildə baş tutmuş görüşünü əks etdirir.
Musavat.com xəbər verir ki, video yeni deyil. Görüntülər Rusiyanın NTV kanalında yayımlanan “Жди меня” proqramının 21 iyul 2018-ci il buraxılışındandır.
Süjetin qəhrəmanı Vladislav Tadışev 32 il ərzində heç vaxt görmədiyi atası – Bakıda yaşayan azərbaycanlı Qəzənfər Qafarovu axtarıb.
Hadisənin tarixçəsi ötən əsrin 1980-ci illərinin sonlarında Rusiyanın Barnaul şəhərində başlayıb. Azərbaycandan göndərilmiş gənc mütəxəssis Qəzənfər Qafarov şəhərdəki motor zavodunda işləyərkən Ulyana Afanasyeva adlı qadınla tanış olub. Onların arasında münasibət yaranıb və bir müddət sonra Ulyana övlad gözlədiyini bildirib.
Qəzənfər Qafarov həmin dövrdə xəstə əmisi ilə əlaqədar Azərbaycana qayıtmalı olduğunu, sonradan isə Barnaula gedə bilmədiyini deyib. Ulyana oğlunu tək böyüdüb. Buna baxmayaraq, qadın övladını atasına qarşı nifrətlə böyütməyib, ona Qəzənfərin yaxşı və mərhəmətli insan olduğunu danışıb.
Atasını yalnız bir fotoşəkildən tanıyan Vladislav illər sonra “Жди меня” proqramına müraciət edib.
Proqramın əməkdaşları Qəzənfər Qafarovu Bakıda tapıblar. Azərbaycanlı ata çəkiliş qrupu ilə söhbətində oğlunun olduğunu heç vaxt gizlətmədiyini, lakin Ulyana ilə övladının dəqiq harada yaşadığını və oğlunun hansı soyadı daşıdığını bilmədiyini söyləyib.
“Mən 30 ildən artıq müddətdə heç kimdən oğlumun olduğunu gizlətməmişəm. O, həmişə mənim ürəyimdə olub. Onun məndən uzaqda böyüməsinə yol verdiyim üçün utanıram”, – Qəzənfər Qafarov bildirib.
O, Vladislavın onu ata kimi qəbul edəcəyinə ümid etdiyini də deyib.
Bakıdan Moskvaya gətirilən Qəzənfər Qafarov proqramın studiyasında oğlu ilə görüşüb. Ata və oğul bir-birini qucaqlayarkən studiyadakı tamaşaçılar onları ayaq üstə alqışlayıblar.
Vladislav atasını bağışladığını və onu tapdığı üçün xoşbəxt olduğunu bildirib. Veriliş zamanı o, atasının digər ailəsindən olan qardaşı ilə də tanış olub.
Sosial şəbəkələrdə yenidən yayılan bu görüntülər 32 il bir-birini görməyən ata ilə oğulun 2018-ci ildə baş tutmuş görüşünü əks etdirir.
