Dünyanın hakimiyyətdə olan ən gənc monarxı 34 yaşında vəfat etdi
Uqandanın ən gənc monarxı kimi tanınan ənənəvi hökmdar 34 yaşında vəfat edib.
Bu barədə Tooro krallığının baş naziri Kalvin Armstronq Rvomiire Akiiki məlumat verib.
Oyo Nyimba Kabamba İquru Rukidi IV 1995-ci ildə atasının ölümündən sonra cəmi üç yaşında Uqandanın qərbində yerləşən Tooro krallığının kralı olub.
Kral Oyunun ölüm səbəbi açıqlanmayıb. Lakin Uqanda mətbuatında ölkə hökumətinin nazirinə istinadən yayılan xəbərlərdə onun ağır xəstə olduğu və müalicə üçün ABŞ-a getməyə hazırlaşdığı bildirilib.
Uqanda seçilmiş prezident tərəfindən idarə olunsa da, ölkədə siyasi hakimiyyətə malik olmayan, lakin mühüm mədəni təsirini qoruyub saxlayan bir neçə ənənəvi krallıq fəaliyyət göstərir.
Ginnesin Rekordlar Kitabı Kral Oyunu dünyanın hakimiyyətdə olan ən gənc monarxı kimi qeydə almışdı. O, iki milyondan çox insana rəhbərlik edirdi. Kral Oyo XIX əsrin əvvəllərində yaradılmış Tooro krallığının 13-cü monarxı olub.
Kralın ölümünü açıqlayan Tooro krallığının baş naziri Kalvin Armstronq Rvomiire Akiiki onun cümə axşamı vəfatını kral ailəsi və Tooro xalqı üçün “ölçüyəgəlməz itki” adlandırıb.
Akiiki cümə günü bildirib: “Tooroda yaşayan bütün insanları bu son dərəcə çətin vaxtda birlik, sakitlik və dua içində olmağa çağırıram. Əlahəzrət Kral əbədi rahatlıq tapsın”.
Tooro krallığında monarxın seçilməsi irsi sistem əsasında həyata keçirilir. Kral Oyo rəsmi nikahda olmayıb. Lakin Akiiki bildirib ki, tacın davamlılığı təmin olunub.
“Əlahəzrət özündən sonra varis kimi bir şahzadə qoyub. Onun kimliyi Tooro krallığının adət və ənənələrinə uyğun olaraq münasib vaxtda rəsmi şəkildə açıqlanacaq”, deyə baş nazir bildirib.
Oyo 1995-ci ildə kral olduqda, onun 18 yaşına çatmasına qədər kraliça ananın da daxil olduğu regentlik şurası yaradılmışdı. Kralın 18 yaşı tamam olduqdan sonra isə - 2010-cu ildə rəsmi tacqoyma mərasimi keçirilib.
Gənc kral xalqı tərəfindən böyük hörmətlə qarşılanırdı. “Daily Monitor” qəzetinin məlumatına görə, o, gənclərin imkanlarının genişləndirilməsi, təhsil və iqlimin qorunması, eləcə də HİV/QİÇS-lə bağlı maarifləndirmə kimi təşəbbüsləri dəstəkləyirdi.
Uqandanın ən böyük və nüfuzlu ənənəvi qurumu olan Buqanda krallığı da Tooro xalqının dərdinə şərik olduğunu bildirib və vəfat edən monarxı Uqanda üçün dəyərli şəxs kimi xarakterizə edib.
//qaynar.az
Bu barədə Tooro krallığının baş naziri Kalvin Armstronq Rvomiire Akiiki məlumat verib.
Oyo Nyimba Kabamba İquru Rukidi IV 1995-ci ildə atasının ölümündən sonra cəmi üç yaşında Uqandanın qərbində yerləşən Tooro krallığının kralı olub.
Kral Oyunun ölüm səbəbi açıqlanmayıb. Lakin Uqanda mətbuatında ölkə hökumətinin nazirinə istinadən yayılan xəbərlərdə onun ağır xəstə olduğu və müalicə üçün ABŞ-a getməyə hazırlaşdığı bildirilib.
Uqanda seçilmiş prezident tərəfindən idarə olunsa da, ölkədə siyasi hakimiyyətə malik olmayan, lakin mühüm mədəni təsirini qoruyub saxlayan bir neçə ənənəvi krallıq fəaliyyət göstərir.
Ginnesin Rekordlar Kitabı Kral Oyunu dünyanın hakimiyyətdə olan ən gənc monarxı kimi qeydə almışdı. O, iki milyondan çox insana rəhbərlik edirdi. Kral Oyo XIX əsrin əvvəllərində yaradılmış Tooro krallığının 13-cü monarxı olub.
Kralın ölümünü açıqlayan Tooro krallığının baş naziri Kalvin Armstronq Rvomiire Akiiki onun cümə axşamı vəfatını kral ailəsi və Tooro xalqı üçün “ölçüyəgəlməz itki” adlandırıb.
Akiiki cümə günü bildirib: “Tooroda yaşayan bütün insanları bu son dərəcə çətin vaxtda birlik, sakitlik və dua içində olmağa çağırıram. Əlahəzrət Kral əbədi rahatlıq tapsın”.
Tooro krallığında monarxın seçilməsi irsi sistem əsasında həyata keçirilir. Kral Oyo rəsmi nikahda olmayıb. Lakin Akiiki bildirib ki, tacın davamlılığı təmin olunub.
“Əlahəzrət özündən sonra varis kimi bir şahzadə qoyub. Onun kimliyi Tooro krallığının adət və ənənələrinə uyğun olaraq münasib vaxtda rəsmi şəkildə açıqlanacaq”, deyə baş nazir bildirib.
Oyo 1995-ci ildə kral olduqda, onun 18 yaşına çatmasına qədər kraliça ananın da daxil olduğu regentlik şurası yaradılmışdı. Kralın 18 yaşı tamam olduqdan sonra isə - 2010-cu ildə rəsmi tacqoyma mərasimi keçirilib.
Gənc kral xalqı tərəfindən böyük hörmətlə qarşılanırdı. “Daily Monitor” qəzetinin məlumatına görə, o, gənclərin imkanlarının genişləndirilməsi, təhsil və iqlimin qorunması, eləcə də HİV/QİÇS-lə bağlı maarifləndirmə kimi təşəbbüsləri dəstəkləyirdi.
Uqandanın ən böyük və nüfuzlu ənənəvi qurumu olan Buqanda krallığı da Tooro xalqının dərdinə şərik olduğunu bildirib və vəfat edən monarxı Uqanda üçün dəyərli şəxs kimi xarakterizə edib.
//qaynar.az
