Dünyanın ən bahalı futbol klublarının yeni reytinqi açıqlandı

"Brand Finance" analitik platforması dünyanın ən bahalı futbol klublarının yenilənmiş siyahısını açıqlayıb.

Bu reytinq 2026-cı il üçün nəzərdə tutulub.

Sıralamada ilk yeri yenə də "Real Madrid" tutur. Klubun dəyəri 2.36 milyard avro olaraq qiymətləndirilir.

Siyahıda ikinci pillədə "Barselona" (1.94 milyard avro) qərarlaşıb. Ən bahalı klubların reytinqində ilk üçlüyü isə "Arsenal" (1.51 milyard avro) tamamlayır.

Reytinq cədvəlində ən bahalı futbol klubları bunlardır:

1. "Real Madrid" - 2.36 milyard avro;

2. "Barselona" - 1.94 milyard avro;

3. "Arsenal" - 1.51 milyard avro;

4. "Bavariya" - 1.49 milyard avro;

5. PSJ - 1.48 milyard avro;

6. "Mançester Siti" - 1.46 milyard avro;

7. "Liverpul" - 1.45 milyard avro;

8. "Mançester Yunayted" - 1.42 milyard avro;

9. "Çelsi" - 941 milyon avro;

10. "Borussiya Dortmund" - 654 milyon avro.