Dünya Çempionatına buraxılmamışdı, UEFA Superkubokunu idarə edəcək
Bu gün baş tutacaq UEFA Superkubokunun final matçına somalili hakim təyin edilib.
Bu gün PSJ ilə "Aston Villa” klubları üz-üzə gələcək.
Salzburgda baş tutacaq görüşü somalili FIFA referisi Omar Artan idarə edəcək.
Artanın təyinatı UEFA Superkuboku tarixində əlamətdar hadisə hesab olunur. O, turnirin finalını idarə edəcək ilk qeyri-avropalı hakim olacaq.
Xatırladaq ki, Omar Artan azarkeşlərə Dünya Çempionatı öncəsindən tanışdır. Belə ki, onun ABŞ vizası var olmasına baxmayaraq, 2026-cı ilin iyununda Dünya Çempionatında hakimlik etmək üçün Mayamiyə gəldikdə ABŞ sərhəd rəsmiləri onun ölkəyə girişinə icazə verməmişdilər.
ABŞ Daxili Təhlükəsizlik Departamenti bunu "yoxlama ilə bağlı narahatlıqlar”la əsaslandırmışdı.
