Bazar ertəsi bütün "iPhone 17" modelləri bahalaşa bilər: Nə baş verir?
"Apple" şirkəti yeni nəsil "iPhone" təqdimatına bir neçə həftə qalmış, avqustun 10-da "iPhone 17" seriyasının bütün modellərinin qiymətlərini artırmaq niyyətindədir.
Bu barədə "MacRumors" "Fixed Focus Digital" ləqəbli insayderə istinadən məlumat yayıb.
Qiymət artımı daha əvvəl yalnız Yaponiyada baş verib və orta hesabla 10 faiz təşkil edib. Digər ölkələrdə isə qiymətlər dəyişməyib. İnsayder "iPhone" modellərinin konkret nə qədər bahalaşacağını açıqlamayıb, lakin "Apple"ın smartfonların qiymətini bütün dünyada yenidən nəzərdən keçirməyə hazırlaşdığını vurğulayıb.
Onun məlumatına görə, şirkət "iPhone 17" seriyasını istehsal edən bəzi istehsal xətlərinin fəaliyyətini də dayandırıb. İstehsal gücünün 15-30 faizi dondurulub. Bunun həm yaddaş çatışmazlığı, həm də istehsalın "iPhone 18 Pro" və qatlana bilən "iPhone" modelinin buraxılışına hazırlanması ilə əlaqəli ola biləcəyi ehtimal edilir.
İyun ayında "Apple" artıq "MacBook", "iPad", "Vision Pro" və ev cihazlarının qiymətlərini artırıb. Şirkət bunu yaddaş və məlumat saxlama qurğularının qiymətlərinin əhəmiyyətli dərəcədə artması ilə izah edib. Həmin vaxt "iPhone" modellərinin qiyməti dəyişməsə də, şirkət nümayəndələri smartfonların, "AirPods" və "Apple Watch" cihazlarının qiymət artımında növbədə olduğunu bildiriblər.
Analitiklər "iPhone 18 Pro" və "iPhone 18 Pro Max" modellərinin hazırkı "Pro" modellərindən 250-300 dollar baha olacağını gözləyirlər. Beləliklə, 256 GB yaddaşa malik 2026-cı ilin ən ucuz "iPhone Pro" versiyasının qiyməti 1349-1399 dollar təşkil edə bilər.
"Bloomberg"in məlumatına görə, "Apple" sentyabrın 9-da "iPhone 18 Pro", "iPhone 18 Pro Max" və qatlana bilən "iPhone" modelini təqdim edəcək. Satışların ayın sonuna qədər başlaması gözlənilir. Baza "iPhone 18", "iPhone 18e" və ikinci nəsil "iPhone Air" modelləri isə yalnız 2027-ci ilin yazında təqdim olunacaq.
Daha əvvəl "Apple" "iPhone 17" seriyasının "iPhone" tarixində ən populyar model ailəsinə çevrildiyini açıqlayıb. Yeni flaqmanlara tələbat o qədər yüksək olub ki, bu, şirkətə satış həcminə görə "Samsung"u geridə qoymağa kömək edib.
//qaynar.az
Bu barədə "MacRumors" "Fixed Focus Digital" ləqəbli insayderə istinadən məlumat yayıb.
Qiymət artımı daha əvvəl yalnız Yaponiyada baş verib və orta hesabla 10 faiz təşkil edib. Digər ölkələrdə isə qiymətlər dəyişməyib. İnsayder "iPhone" modellərinin konkret nə qədər bahalaşacağını açıqlamayıb, lakin "Apple"ın smartfonların qiymətini bütün dünyada yenidən nəzərdən keçirməyə hazırlaşdığını vurğulayıb.
Onun məlumatına görə, şirkət "iPhone 17" seriyasını istehsal edən bəzi istehsal xətlərinin fəaliyyətini də dayandırıb. İstehsal gücünün 15-30 faizi dondurulub. Bunun həm yaddaş çatışmazlığı, həm də istehsalın "iPhone 18 Pro" və qatlana bilən "iPhone" modelinin buraxılışına hazırlanması ilə əlaqəli ola biləcəyi ehtimal edilir.
İyun ayında "Apple" artıq "MacBook", "iPad", "Vision Pro" və ev cihazlarının qiymətlərini artırıb. Şirkət bunu yaddaş və məlumat saxlama qurğularının qiymətlərinin əhəmiyyətli dərəcədə artması ilə izah edib. Həmin vaxt "iPhone" modellərinin qiyməti dəyişməsə də, şirkət nümayəndələri smartfonların, "AirPods" və "Apple Watch" cihazlarının qiymət artımında növbədə olduğunu bildiriblər.
Analitiklər "iPhone 18 Pro" və "iPhone 18 Pro Max" modellərinin hazırkı "Pro" modellərindən 250-300 dollar baha olacağını gözləyirlər. Beləliklə, 256 GB yaddaşa malik 2026-cı ilin ən ucuz "iPhone Pro" versiyasının qiyməti 1349-1399 dollar təşkil edə bilər.
"Bloomberg"in məlumatına görə, "Apple" sentyabrın 9-da "iPhone 18 Pro", "iPhone 18 Pro Max" və qatlana bilən "iPhone" modelini təqdim edəcək. Satışların ayın sonuna qədər başlaması gözlənilir. Baza "iPhone 18", "iPhone 18e" və ikinci nəsil "iPhone Air" modelləri isə yalnız 2027-ci ilin yazında təqdim olunacaq.
Daha əvvəl "Apple" "iPhone 17" seriyasının "iPhone" tarixində ən populyar model ailəsinə çevrildiyini açıqlayıb. Yeni flaqmanlara tələbat o qədər yüksək olub ki, bu, şirkətə satış həcminə görə "Samsung"u geridə qoymağa kömək edib.
//qaynar.az
