Azərbaycan millisinin futbolçusu Macarıstan klubuna keçdi

Azərbaycan milli komandasının futbolçusu Anatoli Nuriyev karyerasını Macarıstanın "Kişvarda" klubunda davam etdirəcək.

Bu barədə 30 yaşlı yarımmüdafiəçinin yeni klubunun rəsmi saytında məlumat verilib.

"Zirə"dən ayrılan təcrübəli oyunçu azad agent statusu ilə "Kişvarda"ya transfer olunub. Onunla bağlanan müqavilənin detalları barədə məlumat verilməyib.

"Nuriyev yarımmüdafiə xəttindəki təcrübəsi, oyunu oxuma bacarığı və məhsuldar ötürmələri ilə komandamıza böyük fayda verə bilər. Ona "Kişvarda"dakı karyerasında uğurlar arzulayırıq", - deyə klubun saytında bildirilib.