Yay mövsümündə çimərliklərə axın artsa da, hər dəniz sahəsi çimmək üçün təhlükəsiz hesab edilmir. Bəzi çimərliklərdə suyun keyfiyyəti gigiyenik normalara cavab vermədiyindən, bu ərazilərdə çimməyin sağlamlıq üçün hansı risklər yaratdığı maraq doğurur.

Həkim-infeksionist Mərdan Əliyev AZXEBER.COM-a açıqlamasında deyib ki, dənizdən daha çox mədə-bağırsaq xəstəlikləri törədən virus və bakteriyalar keçə bilər:

"Dənizin suyu təmiz deyilsə, həmin sudan həm viruslar, həm də bakteriyalar insanlara yoluxa bilər. Suyun təmiz olub-olmaması hər il Gigiyena və Epidemiologiya mərkəzləri tərəfindən çimərliklərdə aparılan monitorinqlər nəticəsində müəyyən edilir. Bu zaman suyun kolo-indeksi yoxlanılır. Bəzi çimərliklərdə bu göstərici normaya uyğun olmur. Bu isə dəniz suyunun çirklənmə səviyyəsinin normadan yüksək olduğunu göstərir. Çirklənmə səviyyəsinin normadan yüksək olması isə dənizdə virus və bakteriyaların mövcudluğu deməkdir. Söhbət əsasən mədə-bağırsaq xəstəlikləri törədən virus və bakteriyalardan gedir. Məsələn, Hepatit A virusu, enteroviruslar və rotaviruslar dəniz suyu vasitəsilə yoluxa bilər”.

"Bunlardan qorunmaq üçün dəniz suyunun təmizliyi normaya uyğun olmayan ərazilərdə çimməmək lazımdır. Çalışmaq lazımdır ki, üz və baş hissəsi suya salınmasın. Hətta bədənin beldən aşağı hissəsinin suya salınması daha məqsədəuyğundur. Ayaqları suya salmaq kifayət edir. Həmçinin, bədəndə yara olduqda dənizə girmək düzgün deyil”,- deyə infeksionist qeyd edib.скачать dle 11.3