"Qusar terrorizmin mərkəzi deyil".

"Unikal"ın məlumatına görə, bu sözləri Qusar rayon İcra Hakimiyyətinin başçısı Sahir Məmmədxanov "Dini mövzuların mediada təqdimatı: dini sabitliyin qorunmasında birgə məsuliyyət" mövzusunda konfransda deyib.

O, Azərbaycan Respublikası ərazisində beynəlxalq terror təşkilatları ilə əlaqəli olan radikal dini-ekstremist qruplaşma üzvlərinin terror-təxribat əməllərinin müəyyən edilməsi və qanunazidd fəaliyyətlərinin qarşısının alınması istiqamətində Dövlət Təhlükəsizliyi Xidməti və Daxili İşlər Nazirliyinin əməkdaşları tərəfindən görülən birgə kompleks tədbirlərdən bəhs edib: "Dövlətimiz 2024-cü ildə haqlı olaraq rayonumuzda antiterror əməliyyatı keçirdi. Mən onda vəzifəyə 10 gün idi gəlmişdim. Həmin dövrdə televiziyalarımızdan birində Qusar rayonu terrorizmin mərkəzi kimi təqdim olundu. Bu, kifayət qədər həssas mövzudur. Çünki cammatımız inciyir ki, başqa yerlərdə daha pis hadisələr olur, niyə biz? Düzdür, müxtəlif cinayətlər törədənlər olub, cəzalarını da çəkiblər. Amma Qusar rayonu terrorizmin mərkəzi deyil".скачать dle 11.3