Bakıda küçədə kişini ürəyindən bıçaqlayıb öldürdülər

Bakıda ölümlə nəticələnən bıçaqlanma hadisəsi baş verib.

Hadisə Yasamal rayonunda, metronun "Nizami" stansiyası yaxınlığında qeydə alınıb.

İlkin məlumatlara görə, sözügedən şəxs ürək nahiyəsindən bıçaqlanıb və aldığı ağır xəsarətlərdən hadisə yerindəcə dünyasını dəyişib.

Hadisədən dərhal sonra təcili və təxirəsalınmaz tibbi yardım briqadası çağırılsa da, onların vaxtında gəlmədiyi iddia olunub.

Əldə etdiyimiz məlumata görə, hadisəni törətməkdə şübhəli bilinən 34 yaşlı M.Əliyev polis əməkdaşları tərəfindən müəyyən edilərək saxlanılıb.