Duz mətbəxin ən sadə məhsullarından biri olsa da, onun da müxtəlif növləri var. Dəniz duzu və adi (daş/küçə) duz eyni maddə kimi görünsə də, onların mənşəyi və emal prosesi fərqlidir. 

Bu barədə "Santa Prisca and co” portalının ekspertləri yazır.

Dəniz duzu və adi duz necə əldə olunur?

Dünyanın bir çox ölkəsində daha çox daş duzu istifadə olunur. Lakin sahilyanı bölgələrdə dəniz duzu daha populyardır, çünki onun əldə edilməsi daha asandır.

Əsas fərq istehsal üsulundadır: dəniz duzu günəş və külək vasitəsilə dəniz suyunun buxarlanması nəticəsində alınır. Bu prosesdə təbii mineralların bir hissəsi kristallarda qalır.

Adi daş duzu isə yeraltı yataqlardan çıxarılır. O, milyon illər əvvəl qurumuş qədim dənizlərin qalığıdır və sənaye üsulu ilə təmizlənir, üyüdülür və bəzən topaşmağın qarşısını alan maddələr əlavə olunur.

Hansı daha yaxşıdır: dəniz duzu, yoxsa adi duz?

Kimyəvi tərkib baxımından əsas fərq ondadır ki, dəniz duzu az miqdarda təbii minerallar (maqnezium, kalsium, kalium) saxlayır. Bu, ona bir qədər fərqli dad verir.

Rafinə olunmuş adi duz isə daha çox saf natrium-xloriddən ibarət olur və əlavə emal zamanı təbii mineralların böyük hissəsini itirir. Bəzi hallarda ona yod əlavə edilir.

Bu səbəbdən dəniz duzu daha "təbii” məhsul kimi qəbul edilir, lakin bu, onun mütləq daha faydalı olması demək deyil.

Hansı duz daha faydalıdır?

Dəniz duzu bəzən ev prosedurlarında (vanna, qarqara və s.) istifadə olunur və rahatlaşdırıcı təsir göstərə bilər.

Yodlaşdırılmış duz isə orqanizmdə yod çatışmazlığının qarşısını almaq üçün daha vacib sayılır.

Nəticə olaraq, hansı duzun "daha yaxşı” olduğu istifadə məqsədindən asılıdır: təbii dad və minimal emal, yoxsa standartlaşdırılmış və yodla zənginləşdirilmiş məhsul.
//qaynar.azскачать dle 11.3