Beyləqanda ev yanaraq külə döndü

Beyləqan rayonunda fərdi evdə yanğın baş verib.

Hadisə rayonun Qəhrəmanlı qəsəbəsində qeydə alınıb.

Belə ki, qəsəbə sakini, Bəhmən Kərimova məxsus fərdi yaşayış evində başlayan yanğın anidən güclənib.

Yanğın yerinə Fövqəladə Hallar Nazirliyinin Dövlət Yanğından Mühafizə Xidmətinin Beyləqan Rayon Dövlət Yanğından Mühafizə Hissəsinin texnikaları və canlı qüvvəsi cəlb edilib.

Buna baxmayaraq ümumi sahəsi 160 kvadratmetr olan ev yanaraq yararsız hala düşüb.

Faktla bağlı araşdırma aparılır.
//unikal.az