Avtomatik sürətlər qutusundakı gizli mexanizm necə işləyir? – ARAŞDIRMA
Avtomatik transmissiyalı avtomobillərdə bir çox sürücünün diqqət etmədiyi kiçik detal əslində vacib təhlükəsizlik mexanizmlərindən biridir. Mütəxəssislər bildirirlər ki, sürət qutusu konsolunda yerləşən kiçik yuva və ya gizli düymə “Shift Lock Release” adlı mexanizmdir və fövqəladə hallarda sürət qutusunun əl ilə idarə olunmasına imkan verir.
Avtomatik transmissiyalı nəqliyyat vasitələrində dişli qolunun təsadüfən “P” (“Parking”) rejimindən çıxmasının qarşısını almaq üçün xüsusi bloklama sistemi quraşdırılıb. Normal şəraitdə sürət qutusunun dəyişdirilməsi üçün alışdırmanın aktiv olması və əyləc pedalına basılması tələb olunur.
Lakin bəzi hallarda, xüsusilə akkumulyator boşaldıqda, elektrik sistemində nasazlıq yarandıqda və ya əyləc sensoru işləmədikdə bu sistem sürət qutusunun dəyişdirilməsinə imkan vermir. Belə vəziyyətlərdə “Shift Lock Release” mexanizmi vasitəsilə sürət qutusu əl ilə “N” (“Neytral”) vəziyyətinə keçirilə bilir.
Mütəxəssislərin sözlərinə görə, bu mexanizm daha çox avtomobil işə düşmədikdə, sürət qutusu kilidləndikdə, nəqliyyat vasitəsini evakuatora yükləmək lazım gəldikdə və ya elektron idarəetmə sistemində nasazlıq yarandıqda istifadə olunur.
Qeyd edilir ki, sistem müxtəlif avtomobil markalarında fərqli görünüşə malik olsa da, işləmə prinsipi demək olar ki, eynidir. Bunun üçün sürücülər əvvəlcə sürət qutusunun yanında yerləşən kiçik plastik qapağı çıxarmalıdır. Daha sonra həmin hissədə yerləşən dəliyə açar, nazik tornavida və ya oxşar əşya daxil edilərək aşağı istiqamətdə basılır. Eyni anda sürət qutusu “P” rejimindən “N” rejiminə keçirilir və avtomobilin hərəkət etdirilməsi mümkün olur.
Ekspertlər bildirirlər ki, avtomobil istehsalçıları bu mexanizmi xüsusi plastik örtüklərlə gizlədirlər. Məqsəd sürücülük zamanı təsadüfi müdaxilələrin qarşısını almaq, parklanma təhlükəsizliyini qorumaq və avtomobilin nəzarətsiz hərəkəti nəticəsində yarana biləcək qəza risklərini minimuma endirməkdir.
//avtosfer.az
Avtomatik transmissiyalı nəqliyyat vasitələrində dişli qolunun təsadüfən “P” (“Parking”) rejimindən çıxmasının qarşısını almaq üçün xüsusi bloklama sistemi quraşdırılıb. Normal şəraitdə sürət qutusunun dəyişdirilməsi üçün alışdırmanın aktiv olması və əyləc pedalına basılması tələb olunur.
Lakin bəzi hallarda, xüsusilə akkumulyator boşaldıqda, elektrik sistemində nasazlıq yarandıqda və ya əyləc sensoru işləmədikdə bu sistem sürət qutusunun dəyişdirilməsinə imkan vermir. Belə vəziyyətlərdə “Shift Lock Release” mexanizmi vasitəsilə sürət qutusu əl ilə “N” (“Neytral”) vəziyyətinə keçirilə bilir.
Mütəxəssislərin sözlərinə görə, bu mexanizm daha çox avtomobil işə düşmədikdə, sürət qutusu kilidləndikdə, nəqliyyat vasitəsini evakuatora yükləmək lazım gəldikdə və ya elektron idarəetmə sistemində nasazlıq yarandıqda istifadə olunur.
Qeyd edilir ki, sistem müxtəlif avtomobil markalarında fərqli görünüşə malik olsa da, işləmə prinsipi demək olar ki, eynidir. Bunun üçün sürücülər əvvəlcə sürət qutusunun yanında yerləşən kiçik plastik qapağı çıxarmalıdır. Daha sonra həmin hissədə yerləşən dəliyə açar, nazik tornavida və ya oxşar əşya daxil edilərək aşağı istiqamətdə basılır. Eyni anda sürət qutusu “P” rejimindən “N” rejiminə keçirilir və avtomobilin hərəkət etdirilməsi mümkün olur.
Ekspertlər bildirirlər ki, avtomobil istehsalçıları bu mexanizmi xüsusi plastik örtüklərlə gizlədirlər. Məqsəd sürücülük zamanı təsadüfi müdaxilələrin qarşısını almaq, parklanma təhlükəsizliyini qorumaq və avtomobilin nəzarətsiz hərəkəti nəticəsində yarana biləcək qəza risklərini minimuma endirməkdir.
//avtosfer.az
