Gürcüstanın baş naziri: "Bakıda imzalanan sazişlər strateji tərəfdaşlığın daha da güclənməsinə töhfə verəcək"
Gürcüstanın Baş naziri İrakli Kobaxidze Azərbaycanla enerji sahəsində imzalanan sazişlərin əhəmiyyətini vurğulayıb.
O, bu barədə "X" sosial şəbəkəsində paylaşım edib.
Baş nazir qeyd edib ki, Azərbaycan Prezidenti İlham Əliyevlə keçirilən görüşün yekununda enerji və nəqliyyat sahələrində mühüm sənədlər imzalanıb. İrakli Kobaxidze bu sazişlərin iki ölkə arasında strateji tərəfdaşlığın daha da güclənməsinə töhfə verəcəyini bildirib.
"WUF13 çərçivəsində Prezident İlham Əliyevlə görüşməkdən məmnun oldum. Görüş zamanı regionumuzun qlobal bağlantılardakı rolunu gücləndirən birgə layihələrə xüsusi diqqət yetirməklə strateji tərəfdaşlığı müzakirə etdik", - o qeyd edib.
Qeyd edək ki, bu gün jurnalistlərə açıqlamasında Gürcüstan baş naziri Bakı-Supsa neft kəmərinin fəaliyyətinin bərpasından danışıb.
"Bu kəmər son üç ildə faktiki olaraq dayandırılmışdı və işləmirdi. Yeni razılaşmaya əsasən, Azərbaycan tərəfi ilə birlikdə onun fəaliyyəti bərpa olunacaq", - baş nazir bildirib.
O, həmçinin qeyd edib ki, Bakı-Supsa kəməri Gürcüstanın mülkiyyətində qalır, lakin Azərbaycanla əməkdaşlıq çərçivəsində yenidən tam işlək vəziyyətə gətiriləcək və bu, ölkəyə hər il onmilyonlarla gəlir qazandıracaq.
O, bu barədə "X" sosial şəbəkəsində paylaşım edib.
Baş nazir qeyd edib ki, Azərbaycan Prezidenti İlham Əliyevlə keçirilən görüşün yekununda enerji və nəqliyyat sahələrində mühüm sənədlər imzalanıb. İrakli Kobaxidze bu sazişlərin iki ölkə arasında strateji tərəfdaşlığın daha da güclənməsinə töhfə verəcəyini bildirib.
"WUF13 çərçivəsində Prezident İlham Əliyevlə görüşməkdən məmnun oldum. Görüş zamanı regionumuzun qlobal bağlantılardakı rolunu gücləndirən birgə layihələrə xüsusi diqqət yetirməklə strateji tərəfdaşlığı müzakirə etdik", - o qeyd edib.
Qeyd edək ki, bu gün jurnalistlərə açıqlamasında Gürcüstan baş naziri Bakı-Supsa neft kəmərinin fəaliyyətinin bərpasından danışıb.
"Bu kəmər son üç ildə faktiki olaraq dayandırılmışdı və işləmirdi. Yeni razılaşmaya əsasən, Azərbaycan tərəfi ilə birlikdə onun fəaliyyəti bərpa olunacaq", - baş nazir bildirib.
O, həmçinin qeyd edib ki, Bakı-Supsa kəməri Gürcüstanın mülkiyyətində qalır, lakin Azərbaycanla əməkdaşlıq çərçivəsində yenidən tam işlək vəziyyətə gətiriləcək və bu, ölkəyə hər il onmilyonlarla gəlir qazandıracaq.
